بروک آ مالی سال انا شونداری ڈٹ آتے کن فنڈجاری کننگ اٹی ہروڑنا اڑاند آتے مر کننگے
اسلام آباد۔ 25 ستمبر (اے پی پی) بنجائی وزیر پارلیمانی امور شیخ آفتاب احمد پارینے کہ بروک آمالی سال انا شونداری ڈٹ آتے کن فنڈ جاری کننگ اٹی ہروڑنا اڑاند آتے مر کننگے۔ دوشنبے نادے او پائیدار شونداری پروگرام تا بابت اسہ بڑزکو کہول انا دیوان اسے نا کماشی ئِ کریکہ۔ داوخت آ اوپارے کہ وزیراعظم شاہد خاقان عباسی شونداری اسکیم تا بروخت پوروی کن ذاتی است خواہی ہلنگ ئِ۔ داچرجوئی ٹی او ہر ڈویژن نا تعلقدار قومی اسمبلی نا باسک آتون اوڑدہی کرینے۔ دیوان اٹی او پارت کرے کہ بروک آ مالی سال انا شونداری ڈٹ آتا بروخت پوروی کن ہروڑنا اڑاند آتے مر کننگے و زوت آن زوت فنڈ جاری کننگ ئِ المی جوڑ کننگے۔ اوداہیت آ زور شاغاکہ جنگی بنداو تیا آخبت نا ڈٹ آتے بروک آ 6تُو اٹی پورو کننگے۔ دیوان اٹی سیکرٹری پبلک ورکس(پی ڈبلیو ڈی ) پنجاپ و غٹ ڈویژن آتا کمشنرآک بریفنگ تسر۔ دیوان اٹی بجلی نا چار ہزار اسکیم ہرافتا تعلق میپکو و سویلی پنجاپ نا علاقہ غاتیان ئِ آ ہم سجفنگا۔ دیوان اٹی ویڈیو کانفرنس نا کمک اٹ پنجاپ نا غٹ ڈویژن تا کمشنر آتون ہم دا معاملہ غا ہیت کننگا۔
