اسلام آباد۔ 25 ستمبر (اے پی پی) مسکوہی وزیراعظم محمد نواز شریف پی آئی اے نا جہاز پی کے 786 نا کمک اٹ اسلام آباد آ سرمس۔ او تینا اُرائی کلثوم نواز نا خیالداری کن لندن اٹی ئس۔ پدی بننگ آن مست لندن اٹی مسلم لیگ ن نا بڑزکو سروک آتا صلابتی دیوان اس ہم مس ہراٹی مسکوہی وزیراعظم نا وطن آ پدی بننگ نا فیصلہ ئِ کننگا۔ مسکوہی وزیراعظم پگہ احتساب عدالت اٹی پیش مریک۔ پدی بننگ آ اوپارے کہ اوڑآ کرپشن نا ہچ ئُ کیس اس اف و احتساب آن خلوک اُس اف۔ بے نظیر بھٹو انٹرنیشنل بالی پٹ آ اودے بخیر مسلم لیگ (ن) نا سروک و کارندہ غاک کریر۔ مسکوہی وزیراعظم تون اوار وزیرخزانہ سینیٹر اسحاق ڈار ہم وطن آ پدی سرمس و دوشنبے ناسہب وطن آ پدی سرمننگ آن پد احتساب عدالت اٹی پیش مس۔
