راولپنڈی۔ 24ستمبر (اے پی پی) آرمی چیف جنرل قمر جاوید باجوہ پارینے کہ لمہ وطن نا دفاع ءِ کرسا کرینن، کننگ اُن و کرسا کینہ، ہربہاآ لمہ وطن نا دفاع نا سوغند ہرفینن۔ آئی ایس پی آر نا کنڈآن جاری پریس ریلیز نا رداٹ آرمی چیف راجگال اٹی جام شہادت نوش کروک آ لیفٹیننٹ ارسلان عالم ءِ خراج عقیدت پیش کرسا پارے کہ لمہ وطن نا دفاع ٹی جام شہادت پیش کروک آ شہید آتے سلام پیش کینہ، آئی ایس پی آر نا رداٹ اوپارے کہ پاکستان نا باہمت قوم دشمن نا سازش آتے بے سہب جوڑ کرسا کننگ ءِ، دشمن تا پاکستان ءِ نزور کننگ نا سازش آک بے نقاب مسنو۔
