راولپنڈی۔ 24ستمبر (اے پی پی) سیکورٹی فورس آک ڈیرہ اسماعیل خان نا خڑک اسہ کارروائی اسے ٹی مسہ دہشت گرد ءِ تپاخت کریر، پاک فوج انا شعبہ تعلقات عامہ آئی ایس پی آر نا کنڈآن داڑے جاری مروک آ بیان نارداٹ مصدقہ انٹیلی جنس معلومداری نا بنداو آ سیکورٹی فورس آک ڈیرہ اسماعیل خان نا خڑک گاراماڈاٹی سرچ آپریشن کریر، پٹنگ نا کارروائی ٹی توننگ نا اشارہ کننگ آ موٹرسائیکل آ سوار شکبر بندغ آک سیکورٹی فورس آتیا سم کاری کریر ہراٹی سیکورٹی فورس آک ورندی سم کاری نا بناءِ کریر، اسہ ایلو آ سم کاری ٹی مسہ دہشت گرد تپاخت کریر۔ دہشت گرد آتا کوزہ غان خودکش جیکٹس دوئی مسنے۔ بنائی وڑاٹ تپاخت کروک آ دہشت گردآتا درستی راستی اقبال، ہرانا کاٹم نا قیمت اسہ ملین روپئی مقرر ئس، وحید و ماجد نا پن تے اٹ مسنے۔

متعلقہ مضامینمصنف کی طرف سے مزید