پاکستان بھارتی فوجی چوکی تے نشانہ جوڑ کرسا کنٹرول لین وورکنگ باؤنڈری آ بھارت نا بلااشتعال جلہو آتا پبی ورندی ءِ تسنے، خرم دستگیر

اسلام آباد۔ 24ستمبر (اے پی پی)وزیر دفاع خرم دستگیر پارینے کہ پاکستان بھارتی فوجی چوکی تے نشانہ جوڑ کرسا کنٹرول لین و ورکنگ باؤنڈری نا شاری آبادی آ بھارت نا بلااشتعال جلہو آتا پبی ورندی ءِ تسنے۔ ریڈیو پاکستان نا رداٹ اسہ انٹرویو اسے ٹی اوپارے کہ بھارت نا کنڈآن کنٹرول لین و ورکنگ باؤنڈری نا خلاف ورزی تا مسخت بے گناہ کشمیری تیا بیدادی آن جہانی برادری نا چکار ءِ اسہ کنڈ کروئی ءِ۔ بنجائی وزیر ورکنگ باؤنڈری آ بھارتی خلاف ورزی تیا نہادی انسانی جان تا نسخان آ ڈکھ و است ہسونی نا درشانی ءِ کرے۔ اسہ سوج اسے آ خرم دستگیر پارے کہ پاکستان دہشت گرد آتا برخلاف آپریشن ضرب عضب ءِ سرسہبی اٹ پورو کرینے و اوفتا برخلاف آپریشن ردالفساد نا بناءِ کرینے۔ اوپارے کہ جہانی برادری ءِ دہشت گردی نا برخلاف جنگ اٹی پاکستان نا قربانی تے بایدے امنا کروئی مرے۔