اسلام آباد۔ 24ستمبر (اے پی پی) پاکستان اٹی سالانہ 200 ارب روپئی نا سگریٹ کشنگک۔ اسٹیٹ بینک آف پاکستان نا رپورٹ نا رداٹ ملک اٹی داوخت آ 40 درسد نرینہ و 9 درسد نیاڑی سگریٹ نوشی نا گواچی ءُ۔ و دا کچ اٹی پدریسہ ودکی مننگ ءِ۔ ایشیانا چاربھلا ملک آتیٹی پاکستان اولیکو نمبر آٹی ءِ ہراڑے تمباکو ءِ غٹ آن زیات کاریم اٹ اتنگک۔ رپورٹ نا رداٹ ایلو ملک آتیٹی ملائیشیا، انڈونیشیا و ویتنام اوار ءُ۔ سگریٹ نوشی نا رجحان اٹی ودکی ناسوب پاکستان اٹی ہردے 1200 چناسگریٹ نوش جوڑ مننگ ءُ وخت اس کہ طالب علم آتا 15درسد کچ سگریٹ نوشی نا عادتی مسنو۔ جان جوڑی نا چاہندار آتا دابابت پاننگ ءِ کہ سگریٹ نوشی بھاز انگا خراب انگا ناجوڑی تا سوب جوڑ مننگ کیک ہنداخاطران المی ءِ کہ جان جوڑی سرجز آتا مون آ دننگ کن جامع حکمت عملی نا رداٹ گام گیج کننگے تانکہ ورنانسل ءِ سگریٹ نوشی نا خراب انگا زہم آتیان بچفنگ مرے۔
