اسلام آباد۔ 23 ستمبر (اے پی پی) وزیراعظم شاہد خاقان عباسی خیبر ایجنسی ٹی پاک فوج انا چوکی آ جلہو اٹی لیفٹیننٹ ارسلان نا شہیدی آ است ہسونی نا درشانی ئِ کرسا پارے کہ دہشت گردی نا برخلاف جنگ درحقیقت بطور وت واجہ قوم ننا بقاءنا جنگ ئِ۔ ہفتہ نا دے داڑے جاری بیان اٹی وزیراعظم شاہد خاقان عباسی پارے کہ ننا بہادر فوج دہشت گرد عنصر آتے بھاز نسخان رسیفینے ولے ننا سلہہ بند فوج بھلو قربانی ہم تسنے۔ اوپارے کہ ننا ہیروتا دتر نا ہر پڑی داحقیقت نا غمازی ئِ کیک کہ نن بطور قوم تینا لمہ وطن آن دہشت گرد عنصر آتا چٹفنگ کن بطور قوم یکجا اُن۔ وزیراعظم پارے کہ ننا کانود نافذ کروک آ ادارہ غاتیا داڈول نا بزدلانہ جلہو آتیان ننا عزم ئِ لڑزوخ کننگ مفک۔ ننا عزم ئِ کہ دہشت گردی نا برخلاف دا آپریشن برجاسلک۔ وزیراعظم جلہو اٹی شہید مروک آ آرمی آفیسر نا روح انا ثواب کن بخشش نا دعا وخت اس کہ خاہوت کن صبر انا دعا کرے۔
