امریکہ و ڈیہہ نا ملک آتے مقبوضہ کشمیر اٹی بھارتی فوج انا انسانی حق انا خلاف ورزی تے بند کرفنگ اٹی تینا کڑد ئِ بایدے ادا کروئی مرے
اسلام آباد۔ 23ستمبر (اے پی پی) وزیر خارجہ خواجہ محمد آصف پارینے کہ امریکہ و ڈیہہ ناملک آتے مقبوضہ کشمیر اٹی بھارتی فوج انا کنڈآن انسانی حق انا خلاف ورزی تے بند کرفنگ اٹی تینا بایدے کڑد ئِ اداکروئی مرے۔ ریڈیو پاکستان نا رداٹ اسہ انٹرویو اسے ٹی اوپارے کہ پاکستان ڈیہہ ٹی دیرپاامن کن بھارت تون مذاکرات نا خواہندار ئِ ولے بھارت ئِ اول ورکنگ باﺅنڈری آ اشتعال انگیز کارروائی تے بند کروئی مرے ہرافتے ٹی چندی شاری شہید و ٹھپی مسنو۔ وزیر خارجہ پارے کہ پاکستان اقوام متحدہ نا جنرل اسمبلی نا دیوان اٹی تجویز پیش کرے کہ مقبوضہ کشمیر اٹی انسانی حق انا خلاف ورزی تا جاچ ئِ ہلنگ کن جہانی ادارہ غاتا خصوصی نمائندہ اس پن کننگے۔ اوپارے کہ پاکستان سارک وزراءکانفرنس اٹی سویلی ایشیاءٹی امن نا بارواٹی توار ہرفے۔ اسہ سوج اسے آ اوپارے کہ پاکستان ملک آن دہشت گردی نا چٹفنگ اسکان داناسور نا برخلاف جنگ ئِ برجاتخک۔
