اسلام آباد۔ 23ستمبر (اے پی پی) بنجائی وزیر ریاستیں و سیمی امور عبدالقادر بلوچ پارینے کہ بھارت پاک چین اقتصادی راہداری (سی پیک ) و پاکستان نا شونداری ٹی اڑاند ودی کننگ کن سازش کننگ ئِ۔ ہفتہ نا دے اسہ انٹرویو اسے ٹی او پارے کہ بھارت نا داخلی و خارجی معاملہ غاتا وزیر آک اقتصادی راہداری آ تینا گڑتی نا درشانی ئِ کریسر۔ جنیوا ٹی پاکستان مخالف مہم نا بابت اسہ سوج اسے آ اوپارے کہ بھارت کالعدم تنظیم تے پاکستان نا برخلاف کاریم کننگ کن وسیلہ فراوان کننگ ئِ۔ عبدالقادر بلوچ پارے کہ بلوچستان پاکستان نا پرامن صوبہ ئِ و د اعلاقہ غاتیٹی خلقت مشکل آتون مون تننگ آن بیدس رہینگ انگ ئُ و بے خوف و خلیس سفر کیرہ۔ اوپارے کہ بلوچستان نا شونداری و شونہالی و الس نا زند انا معیار ئِ گچین جوڑ کننگ کن حکومت اولیتی بنداو تیا گام گیج کننگ ئِ۔
