سیاسی سروک نا جنرل اسمبلی نا دیوان اٹی اوغانستان و کشمیرنا جھیڑہ تون اوار غٹ اہم ویل آتے حوصلہ مندی و دلیرانہ وڑاٹ تالان کننگ آ وزیراعظم شاہد خاقان عباسی نا ستائ
اسلام آباد۔ 23ستمبر (اے پی پی) سیاسی سروک اقوام متحدہ نا جنرل اسمبلی نا سالانہ دیوان آن تران اٹی اوغانستان و کشمیر جھیڑہ تون اوار غٹ اہم ویل آتے حوصلہ مندی و دلیری اٹ تالان کننگ آ وزیراعظم شاہد خاقان عباسی نا ستائِ کرینے۔ ریڈیو پاکستان نا رداٹ مسلم لیگ (ن) نا سینیٹر عبدالقیوم اسہ انٹرویو اسے ٹی پارینے کہ وزیراعظم جنرل اسمبلی ٹی تینا تقریر اٹی کشمیر ، فلسطین و میانمار اٹی مسلمان تیا مروک آ بیدادی نا برخلاف سرسہبی اٹ توار بڑزکرے۔ اوشاہد خاقان عباسی نا تران ئِ مناسب و جامع گوندا۔ مسکوہی وزیر خارجہ شاہ محمود قریشی اسہ بیان اسے ٹی اقوام متحدہ نا جنرل اسمبلی آن وزیراعظم نا تران نا ستائِ کرے و پارے کہ شاہد خاقان عباسی جامع وڑاٹ پاکستان نا نقطہ نظر ئِ پیش کرے۔ اوپارے کہ دنیا دہشت گردی نا برخلاف جنگ اٹی پاکستان نا سرسہبی و قربانی تیان جوانی اٹ واقف ئِ۔ پنی دفاعی جاچکار حسن عسکری تران کرسا پارے کہ وزیراعظم شاہد خاقان عباسی جہانی فورم آ سیکورٹی نا ویل و پاکستان نا موقف ئِ بے کچ مدلل وڑاٹ پیش کرے۔
