اسلام آباد۔ 23 ستمبر (اے پی پی) چین دا گمان نا درشانی ئِ کرینے کہ پاکستان و بھارت مذاکرات و رابطہ غاتے گچین جوڑ کننگ نا کمک اٹ جموں و کشمیر نا متکن آ جھیڑہ ئِ ایسر کننگ کیرہ۔ داہیت ئِ چینی دفترخارجہ نا ترجمان لوکانگ معمول نا پریس بریفنگ اٹی اے پی پی نا نمائندہ نا اسہ سوج اسے نا ورندی ٹی پارے۔ ترجمان پارے کہ پاکستان و بھارت اسیجائی وڑاٹ علاقائی امن ئِ المی جوڑ کننگ کیرہ۔ اوپارے کہ جموں و کشمیر تاریخ نا ایلو سلوک انگا جھیڑہ ئِ و پاکستان و بھارت مذاکرات و رابطہ غاتے گچین جوڑ کننگ نا کمک اٹ دامتکن آ جھیڑہ ئِ ایسر کننگ کیرہ۔ ترجمان آن ہراتم اقوام متحدہ نا جنرل اسمبلی نا سالانہ دیوان اٹی او آئی سی رابطہ رڑ انا دیوان نا بابت سوج کننگا تو اوپارے کہ چین دارپورٹ نا جاچ ئِ ہلنگ ئِ۔ اوپارے کہ کشمیر نا متکن آ جھیڑہ غا چین نا موقف صفا ئِ، چین سمجھک کہ داتاریخ نا ایلو سلوک انگا جھیڑہ ئِ و نن سمجھنہ کہ پاکستان و چین اسیجائی وڑاٹ علاقائی امن ئِ المی جوڑ کننگ کیرہ۔
