اقوام متحدہ ۔22ستمبر(اے پی پی ) اقوام متحدہ ءِ جنرل اسمبلی ءَ گوں تران کنانءَ مزن وزیر شاہد خاقان عباسی ءَ گشتگ کہ رودراَتکءُ روبرکتءِ درنیامءَ انوگیں کشاں چیل یورپءَ را یک سرد جنگ ءِ آماچ کنت وھدے کہ ایشیا ءِ تہا امنءُ ایمنی ءُ وشھالی ءَ را جنوبی رودراَتکءُ روبرکتی ایشیاءِ تہا گیش بوتگیں کستءُ کینگ ءُ گیش بوتگیں میاں اوستمانی زوراکانی ایر جنگءَ چہ ترُس اِنت۔ مزن وزیر شاہد خاقان عباسی ءَ گشتگ کہ شام، عراق، یمن ءَ ھوار مشرق وسطیٰءَ ھر جاگہءَ جنگ ءُ لٹءُ کٹ ءُ کُشتءُ ھون اِنت۔ آئیءَ گشتگ کہ اگاں عراقءُ شام ءَ داعش نیزور بوتگ بلے مشرق وسطیٰ ، افریقہ ءُ دنیاءِ ایندگہ بھرآں ناشرکاری شنگ بوتگ ۔ آئیءَ گشتگ کہ فلسطین ءِ جیڑھ ءِ ھلاسی گندگ نہ بیت۔آئی ءَ گشتگ کہ نسل دوستی ءُ مذہبی کستءُ کینگ، اسلامو فوبیا ءُ زینو فوبیءِ تہا ھوار بوتگ ءُ دنیاءِ بازیں راجءُ اُلسانی درنیامءَ نفسیاتی رکاوٹ دیمءَ دارگ ءَ اَنت۔ مزن وزیر ءَ گشتگ کہ روہنگیا ءِ مسلمان آنی نسل کشی نہ تنا انسانیت ءِ ھلاپ اِنت بلکیں اے مئے ضمیرآنی ھاترءَ یک چہیال اِت۔
