دنیا ئَ سیکورٹی ئَ ھوار بازیں چیلنج آں گوں دیم پہ دیمی اِنت، کشمیری آناں وت واجئی ئِ ھک ئَ چہ زھبری کنگ بوھگ ئَ اِنت، بد کسمتی ئَ اقوام ئِ متحدہ ئِ چارٹر ئِ وڑ ئُُ پیم کنگ نہ بوتگ، پاکستان ئَ را مُدام رودراتکی سیم سر آنی نیمگ ئَ بیم بوتگ، روہنگیا ئِ مسلمان آنی گوما زیادتی بوھگ ئَ اِنت، پاکستان بھارت ئِ گوما توامیں کوھنیں جیڈھ آنی گیواری ئِ ھاترا ٹوھیں سول ئُُ تران ئِ واھشت مند آں،
اوگانستان ئَ گوستگیں 16سال ئَ جاڑیگیں جنگ ئِ گیواری ایوک ئَ سول ئُُ تران اِنت، طالبان آنی ٹھکانہ پاکستان ئَ نہ اَنت اوگانستان ئَ اَنت، ناشرکاری ئِ ھلاسی ئِ واستہ ایشی ئِ سبب ھلاس کنگ لوٹ اَنت
اقوام متحدہ ۔ 21 ستمبر (اے پی پی)مزن وزیرشاہد خاقان عباسی ئَ گوشت کہ دُگنیا ئَ سیکورٹی ئَ ھوار بازیں چیلنج آنی گوما دیم پی دیم اِنت، کشمری آنی وت واجئی ئِ ھک ئَ چہ گستا دارگ بوھگ ئَ اِنت، بد بھتی ئَ اقوام ئِ متحدہ ئِ چارٹر ئِ سر ئَ عمل کنگ نہ بوھگ ئَ اِنت، پاکستان ئَ روبرکتی سیم سر آنی سر ءَ بیم مُدا م بوتگ، روہنگیا مسلمان آنی گومازیادتی بوھگ ئَ اِنت، پاکستان بھارت ئِ گوما توامیں کوھنیں جیڈھ آنی گیواری ئِ ھاترا ٹوھیں سول ئُُ تران ئِ واھشت مند اِنت، اوگانستان ئَ گوستگیں 16سال ئَ جاڑی داشتگیں جنگ ئَ ایوک ئَ سول ئُُ تران ایشی ئِ گیواری اِنت۔ طالبان ئِ مھکمیں ٹھکانہ پاکستان ئَ نہ اَنت ایش اوگانستان ئَ اَنت، ناشرکاری ھلاس کنگ ئِ واستہ ایشی ئِ سبب آناں ھلاس کنگ لوٹ ایت۔ اقوام ئِ متحدہ ئِ جنرل اسمبلی ئِ 72ھپتاد ئُُ دومی دیوان ئَ گشتانک ئَ تران کنان ئَ مزن وزیر شاہد خاقان عباسی ئَ گوشت کہ آ میکسیکو ئَ زمین چنڈ ئَ جانی تاوان ئِ سر ئَ گرانیں ڈکھ ئُُ اپسوزی ئِ درشان کنت۔ آئی ئَ گوشت کہ دُگنیا ئَ سیکورٹی ئَ ھوار بازیں چیلنج آنی دیم پی دیمی است، بد بھتی ئَ اقوام ئِ متحدہ ئِ چارٹر ئِ رد ئَ کار نہ بوتگ، داعش عراق ئُُ شام ئَ ناشرکاری ئِ کاروائی ئَ دست مانجن اِنت، فلسطین ئِ جیڈھ گیواری پکار اِنت، کشمیر ئَ وت واجئی ئِ ھک ئَ را دست پنجگ ئُُ لگت مال کنگ بوھگ ئَ انت۔ مزن وزیر ئَ گوشت کہ روہنگیا ئِ مسلمان ئِ گوما دُگنیا گندگ ئَ اِنت کہ زیادتی بوھگ ئَ اِنت۔ ایمنی ئُُ سلامتی ئُُ دیمروءئِ در جنگ ضلوری اِنت 70سال آنی تہ ئَ پاکستان ئَ اقوام ئِ متحدہ ئَ جوڑیشی کرد پیلو کتگ، ایمن مشن ئِ ھاترا پاکستان ئِ کرد ارزشتی سہرا بوتگ۔ آئیئَ گوشت کہ پاکستان ئَ روبرکتی نیمگ ئَ مُدام بیم بوتگ، بھارت ئَ کشمیر ئَ 7لکھ ئَ چہ گیش اُرد روان داتگ، کشمیری آنی وت واجئی ئِ ھک ءَ را لگت مال کنگ بوھگ ئَ اِنت، بھارت کشمیری آنی پشت ئَ زور پر دیگ ئَ اِنت، ہزارانی کساس ئَ کشمیری پیلٹ گن ئَ چہ کور بوتگ اَنت، پاکستان مقبوضہ کشمیر ئَ بھارت ئِ ظملم ئَ میاں اوستمانی پٹ ئُُ پول ئِ لوٹ ئَ کنت، بھارت کشمیر ئَ بنی آدم آنی ھک ئِ ھلاپ ئَ کنگ ئَ اِنت، پاکستان ءِ سر ئَ ایمنیں ھمساھگی ئِ پالیشی ئِ رد ئَ اِنت، بھارت گوزوکیں سال 600ئَ چہ گیش لائن آف کنٹرول ئِ ھلاپ ئِ کتگ، پاکستان کشمیر ئَ ھوار بازیں جیڈھ آنی سر ئَ سول ئُُ تران ئِ واھشت مند اِنت، اقوام ئِ متحدہ ئِ کشمیر ئِ سر ئَ وتی منوگری ئَ برجا بدار ایت، باز وھد اِنت کہ اقوام ئِ متحدہ ئِ منوگری آناں لگت مال کنگ بوھگ انت۔ آئی ئَ گوشت کہ اوگانستان ئَ سول وار ئِ بن روتگ ئِ سبب ئَ پاکستان دیمپان بوتگ، پاکتان ءَ لکھ آنی کساس ئَ اوگان مہاجر ئِ میزبانی ئَ کنگ ئَ اِنت، اوگانستان ئِ جیڈھ ئِ گیواری اُرد ی نہ اِنت سیاسی اِنت، گوستگیں 16سال ئَ تاں اوگانستان ئَ جنگ ئِ ھلاسی ایوک ئَ سول ئُُ تران اِنت۔ اوگانستان جنگ ئِ سبب ئَ پاکستان ئَ وتاس ئُُ منشیات ئِ سوداگری بوتگ، ناشرکاری ئِ گر ئُُ دار ئِ کوشست ئَ ابید پاکستان ئَ الزام جنگ بوتگ، طالبان ئِ محفوظیں ٹھکانہ پاکستان ئَ نہ اَنت اوگانستان ئَ اَنت، پاکستان ئِ سیم سری دمگ آںناشرکاری ئِ ٹھکانہ ھلاس کنگ بوتگ اَنت، اوگانستان ئَ ایمنی ئِ واھشت پاکستان ئَ چہ گیش اِچ کس ئَ نہ کتگ، اوگانستان ئَ جنگ ئُُ جدل پڑ ئِ ھاترا تاوان بار اِت، پاکستان ئَ قبائلی دمگ آں چہ ناشرکاری ئِ ھلاس کتگ۔ مزن وزیر ئَ ناشرکاری ئِ ھلاپئَ جنگ ئَ پاکستانی آنی کربانی آنی زکر کنان ئَ گوشت کہ اے جنگ ئَ ہزارانی کساس ئَ پاکستانی آں وتی جان داتگ اَنت، ما ناشرکاری ئِ ھلاپ ئَ جنگ ئَ وتی آسراتی آنی وسیلگ ئَ کنگ ئَ آں۔ ما ناشرکاری ئِ گر ئُُ دار ئِ ھاترا نیشنل ایکشن پلان ئِ سر ئَ کار ئَ جزمیگ آں، ناشرکاری ئَ گوں گر ئُُ چیل بوھگ ئِ واستہ ٹوھیں گامجیج ئِ ضلورت اِنت۔ ناشرکاری ئِ ھلاس کنگ ئِ ھاترا ایشی ئِ سبب ھلاس کنگ لوٹ آں۔ مزن وزیر ئَ گوشت کہ پاکستان ئِ ”جوہری پروگرام“ جوانیں کمانڈ اینڈ کنٹرول ئَ اَنت، آیوکیں زمانگ ءِ موسم ئِ مٹ ئُُ بدلی بنی آدم ئِ ھاترا ٹوھیں بیم اَنت۔ موسم ئِ مٹ ئُُ بدلی ئَ گوں گر ئُُ چیل بوھگ ئِ ھاترا پیرس منوگری ئِ سر ئَ کار باید اِنت بہ بیت، پاکستان ئِ معشیت ئَ لائک ئِ توسیپی گہتری اَتکگ، پاکستان چین اقتصادی راہداری معاشی برجائی ئِ سبب ئَ جوڑ بوتگ، اُلسی وشھالی ئِ ھاترا پاکستان ایمنی ئِ دیمروئی ئِ واھشت مند اِنت۔ آئی ئَ گوشت کہ دمگی ایمنی ئُُ برجائی ئِ ھمک کوشست ئِ کمک ئَ جاڑی دار آں۔
