نیویارک۔ 21 ستمبر (اے پی پی) وزیراعظم شاہد خاقان عباسی پارینے کہ نیویارک اٹی امریکی صدر ڈونلڈ ٹرمپ اتون اونا گونڈ ئُ اوڑدہی اس گچین مس۔ میڈیا ااحوال آتا رداٹ اقوام متحدہ نا جنرل اسمبلی نا 72می دیوان اٹی امریکی صدر ڈونلڈ ٹرمپ نا کنڈآن جہانی راہشون آتا اعزاز اٹی ناشتہ نا بست و بند کننگا۔ پاک امریکہ بزنس کونسل نا کنڈآن چارشنبے نادے ناشتہ نا بست و بند کننگا۔ داوخت آ وزیراعظم شاہد خاقان عباسی ہیت وگپ اٹی پارے کہ اونا امریکی صدر ڈونلڈ ٹرمپ تون اوڑدہی مسنے۔ دا اوڑدہی بھاز گچین مس۔ امریکی نائب صدر مائیک پنس اتون وزیراعظم شاہد خاقان عباسی نا 45منٹ انا مریس اوڑدہی آن پد امریکی صدر ڈونلڈ ٹرمپ اتون وزیراعظم شاہد خاقان عباسی اوڑدہی ۔ وزیراعظم پارے کہ امریکی صدر ڈونلڈ ٹرمپ اتون اوڑدہی ٹی ای پاریٹ کہ پاکستان ہروڑنا دہشت گردی نا برخلاف پرعزم ئِ۔ ارٹ میکو کنڈ وائٹ ہاﺅس نا کنڈآن جاری کروک بیان اٹی پاننگانے کہ امریکی نائب صدر مائیک پنس و وزیراعظم پاکستان شاہد خاقان عباسی نا نیام اٹ مروک آ اوڑدہی ٹی بے کچ اہم معاملہ غاتیا خیال آتا درشانی ئِ کننگا ہراٹی امریکی صدر نا سویلی ایشیابارواٹی پالیسی و ڈیہہ نا حالیت آک اوار ئُ۔
