مقبوضہ کشمیر نا خلقت تینا آجوئی کن حق خودارادیت نا تحریک ئِ سرسہبی اسکان برجاتخرہ
نیویارک۔ 21 ستمبر (اے پی پی) آزاد جموں و کشمیر نا صدر سردار مسعود خان پارینے کہ مقبوضہ کشمیر نا خلقت تینا آجوئی کن حق خودارادیت نا تحریک ئِ سرسہبی اسکان برجاتخرہ، کشمیرنا جھیڑہ نا ایسری کن اقوام متحدہ اسہ جوان ئُ و مناسب ئُ فورم اسے۔ داخیال آتا درشانی ئِ او داڑے پاکستانی و کشمیری کمیونٹی نا دود آن تران کرسا کرے۔ سردار مسعود خان پارے کہ کشمیر نا جھیڑہ نا ایسری کن اقوام متحدہ اسہ گچین ئُ و مناسب ئُ فورم اسے ہرانا قرارداد آتا رداٹ کشمیر نا ویل ئِ ایسر کننگ مریک وخت بسنے کہ اقوام متحدہ کشمیر نا ویل انا ایسری کن بھارت آ زور شاغے انتئے کہ اقوام متحدہ نا کشمیر نا بابت قرارداد آتے جہانی راہشون تا مخ تفی دوئی ئِ۔ اوپارے کہ مقبوضہ کشمیرنا خلقت بھارت آن تینا آجوئی و حق دوئی کننگ نا تحریک ئِ برجاتخنگ نا حق تخرہ۔ اوپارے کہ نن کشمیر نا ویل انا پرامن ایسری اس خوانہ۔ آزاد کشمیر نا خلقت و پاکستانی قوم تینا مظلوم کشمیری ایلم تتون تفوک ئِ۔
