جوہری معاہدہ نا خلاف ورزی جہانی برادری ٹی تنیائی نا سوب جوڑ مریک، ایرانی صدر

نیویارک۔ 21ستمبر (اے پی پی) ایران نا صدر ڈاکٹر حسن روحانی پارینے کہ جوہری معاہدہ نا خلاف ورزی کروک آ ملک جہانی برادری ٹی تنیائی نا گواچی مریک۔ ایرانی خبر رساں ادارہ سحر نا رداٹ ایرانی صدر ڈاکٹر حسن روحانی تدوک آ دے اقوام متحدہ نا جنرل اسمبلی نا دیوان آن پد پریس کانفرنس کرساپارے کہ جوہری معاہدہ ہڑتوم آ کنڈآتا معاہدہ اف بلکن ہراملک ہم دامعاہدہ نا خلاف ورزی ئِ کرے او تینا وعدہ غاتے پرغسا تنیائی نا کسر آ روان مریک۔ اوپارے کہ اگہ امریکہ دا معاہدہ غان جتائی اختیار کے تو امریکی الس و اونا سیوتی ملک آک خاص کر یورپ اونا مخ تفی ئِ کپک۔ صدر روحانی پارے کہ نن ڈونلڈ ٹرمپ نا کنڈآن تدوک آ دے اقوام متحدہ ٹی تینا تقریر اٹی ایرانی قوم انا برخلاف غیر سفارتی زبان کاریم اٹ اتنگ آ الس آن معافی خواہنگ نا چاری ئِ۔