2018ءَ 14ہزار نوکیں پولنگ اسٹیشن جوڈ کنگ بنت، مردین آدمءُ زالبولانی جتاھ جتاھ پولنگ اسٹیشن جوڈ کنگءِ کوشست کنگ بہ بیت
اسلام آباد۔21ستمبر(اے پی پی )مزن گسی امورءِ بنجاھی وزیر شیخ آفتاب احمد ءَ گشتگ کہ 2018ءَ 14ہزار نوکیں پولنگ سٹیشن جوڈ کنگ بنت،مردین آدمءُ زالبولانی ھاترءَ گیشاں چہ گیش پولنگ اسٹیشن جوڈ کنگءِ کوشست کنگ بیت، مالاکنڈ ءُ دگہ دمگاں زالبولانی ووٹانی کساسءَ چہ گیش رجسٹریشن کنگءِ ھاترءَ نادراءُ ھمگرنچیں حکام ءَ را ھاسیں پرمان جاری کنگ بیت تنکہ نوکیں پجّار کارڈ جوڈ کنگ بہ بیت۔ نوکیں سرکاری ماڑی درگیجگ ءِ کار جاری اِنت۔ آئیءَ ھال داتگ کہ نوکیں ووٹ راجی پجّار کارڈ جوڈ بنت۔ دیر ءُ مالاکنڈ ءَ زالبولانی نوکیں ووٹانی درج کنگءِ ھاترءَ صوبائی الیکشن کمشنر ءَ را گشگ بیت۔ زالبولانی شرپءُ عزتءِ ھیال داری کنگ بیت۔ عائشہ سید ءَ سوج داتگ کہ سرجمیں ملکءَ زالبولاناں پجار کارڈ جاری کنگءِ ھاترءَ ھاسیں مہم چلائنگ بہ بیت۔ ایشی ءِ سرءَ شیخ آفتاب ءَ گشتگ کہ اے ھوالگءَ نادراءَ را گشگ بیت کہ ھاسیں گامیگج بہ کنت ءُ تہی کارانی وزیر ءَ را ھم اے ھوالگءَ سرپد کنگ بہ بیت۔
