پاکستانءِ ھوالگءَ امریکی پالیسی ءِ تہا ایچ مزنیں مٹی ءِ اُمیت نہ دار اَنت، مئے ملک ٹرمپ انتظامیہ ءِ گوما ھاس ناشرکاریءِ ھلاپءَ جنگءَ کار کنگءِ ھاترءَ ساڑی اِنت
نیویارک۔ 21ستمبر(اے پی پی ) مزن وزیر شاہد خاقان عباسی ءَ گشتگ کہ مہ پاکستانءِ ھوالگءَ امریکی پالیسی ءِ تہا ایچ مزنیں مٹی ءِ اُمیت نہ دار اَنت ءُ مئے ملک ٹرمپ انتظامیہ ءِ گوما ھاس ناشرکاری ءِ ھلاپ ءِ جنگءَ کار کنگءِ ھاترءَ ساڑی اِنت۔ اقوام متحدہ جنرل اسمبلی ءِ 72می دیوان ءِ موھءَ ’’سی این این‘‘ ءَ را داتگیں گلگودار داتگءُ مزن وزیر شاہد خاقان عباسی ءَ گشتگ کہ خطہ ءِ تہا پاکستانءِ کار کنگءِ وڈءُ پیم ءِ سرءَ نہ منگی ھیال ءُ لیکہ ایر کنگ بیت ، سیادیءِ تہا جہلگءُ بُرزگ کااَنت بلے اے سیادی ءَ را اوگانستان ءِ ھوالگءَ چہ چارگ مہ بیت، اے 70سال کونیں سیادی اَنت، مہ مدام امریکا ءِ منّوک بوتگ اَنت ھاس ناشرکاری ءِ ھلا پءِ جنگءَ شریدار اَنت۔ اے سیادی ءَ را اے رنگءَ چارگ بہ بیت۔ امریکی صدر ڈونلڈ ٹرمپ ءِ پاکستان ءِ ھوالگءَ پالیسی ءِ ھوالگءَ یک جُستے ءِ سرءَ مزن وزیر شاہد خاقان عباسی ءَ ایشی ءَ را لیکہ ءِ نہ منّگ لیگ اِتگءُ گشتگ کہ پاکستان اے جاورھالءَ را بازیں وڈے ءَ چہ چاریت ، مئے ملکءَ ناشرکاریءِ ھلاپءَ جنگ کتگءُ ایشیءَ مزنیں تاوان ھم چست کتگ۔ آئی ءَ گشتگ کہ ناشرکاری درسانی ھاترءَ ھترہ اِنت۔ آئیءَ گشتگ کہ پاکستانءَ را بھارتءَ چہ ھترہ اِنت، کہ آئیءَ مئے ھلاپءَ سئے جنگ کتگ، آ ایٹمی زوراک اِت مارا باز رندءَ آئیءِ ھلاپءَ دیمپانی کنگ لوٹ اِتگ۔ ایشی ءِ سرءَ جُست کنگ بوتگ کہ آپ بھی ایٹمی زوراک اِت گڈا مزن وزیرءَ پسو داتگ کہ پاکستان ءَ بھارتءِ ھترہ ءَ را دیمءَ ایر کتگءُ ایٹمی سلاھ جوڈ کتگ۔ امریکی پالیسی ءِ تہا مٹءُ بدلی ءِ جُستءِ پسوءَ مزن وزیرءَ گشتگ کہ آ سئے شمبے ءِ روچءَ امریکی نائب صدر مائیک پنس ءَ گوں دوچارکپتگ ءُ آئیءَ را اے ھوالگءَ چہ پاکستان ءِ لیکہءَ چہ سرپد کتگ۔ آئیءَ اے گپءَ را پدا گشتگ کہ پاکستان ناشرکاریءِ ھلاپءِ جنگءَ امریکہ ءِ گوما کار کنگءَ ساڑی اِنت چیاکہ ناشرکاری درسانی دژمن اِنت۔ شمالی کوریا ءِ ایٹمی پروگرام ءِ ھوالگءَ یک جُستے ءِ پسوءَ مزن وزیر ءَ گشتگ کہ شمالی کوریا ءَ را میاں اوستمانی کانودءِ رندگیری کنگ لوٹ ایت۔ آئی ءَ گشتگ کہ شمالی کوریا ءِ ایٹمی پروگرام ءِ سرءَ ھم پاکستانءَ را تکانسری اَست۔
