واشنگٹن۔21ستمبر(اے پی پی) وائٹ ہاؤس ءَ مزن وزیر شاہد خاقان عباسی ءُ امریکی نائب صدر مائیک پینس ءِ درنیامءَ گپ ءُ تران ءَ را ھاس لیگ اِتگ ءُ گشتگ کہ پاکستان امریکی صدر ڈونلڈ ٹرمپ ءِ جنوبی ایشیائی پالیسی ءِ سرءَ امریکہ ءِ شریدار بوھگءَ باز چیز ھاصل کُت کنت۔ اقوام متحدہ ءِ جنرل اسمبلی ءِ دیوانءِ موھءَ مزن وزیر شاہد خاقان عباسی ءُ امریکی نائب صدر ءِ گند ءُ نندءِ سرءَ جاری کتگیں بیانءِ تہا وائٹ ہاؤس ءَ گشتگ کہ اے گندءُ نندءِ تہا امریکی صدر ڈونلڈ ٹرمپ ءِ جنوبی ایشیائی حکمت عملی کہ ایشیءِ جار گوستگیں ماھءَ جنگ بوتگ کہ ایشیءِ ھوالگءَ ھاسیں گپءُ تران بوتگ۔ بیانءِ ردءَ امریکی نائب صدر ٹرمپ ءِ اے اوستءَ را یک رندے پدا گشتگ کہ پاکستان خطہ ءِ تہا مئے کوشستانی شریدار جوڈ بوھگءَ باز چیز ھاصل کُت کنت۔ وائٹ ہاؤس ءِ بیانءِ تہا گشگ بوتگ کہ امریکی نائب صدر ءَ اے رھبنداناں پدّر کتگ کہ ایشانی وسیلگءَ پاکستان جنوبی ایشیاء ءِ تہا درسانی ھاترءَ مھکمی ءُ وشھالی ءَ را گیش کنگءِ ھاترءَ امریکہءُ دومیانی گوما ھوار کار کُت کنت۔ پاکستانی سفارتخانہ ءِ نیمگءَ چہ جاری بیانءِ ردءَ مزن وزیر شاہد خاقان عباسی ءُ امریکی نائب صدر ءَ اوگانستان ءُ خطہ ءِ تہا امنءُ ایمنی ءُ مھکمی ءِ ھوالگءِ جیڑھءِ سرءَ گپءُ تران کتگ ءُ دونیمگی سیادی ءَ را گیش کنگءِ ھاترءَ یک جاھ کار کنگءِ سرءَ پتاک کتگ۔
