پاکستان ءَ ناشرکاری ءِ ھلاپ ءَ درساں چہ مستریں جنگ کنگ بوتگ، اے جنگ پاکستان ءَ وتی آسراتیءَ چہ کتگ، سرجمیں دنیاءَ اگاں یک ملکے ناشرکاری ءِ ھلاپ ءَ جنگ کنگءَ اِنت گڈا آپاکستان اِنت،
کشمیری آنی وت واجہی ءِ ھک دیئگ ءِ منّوک اَنت، پاک سرڈگار اوگانستانءِ ھلاپ ءَ کارمرز بوھگ ءَ نہ اِنت،
نیویارک۔ 21ستمبر(اے پی پی) مزن وزیر شاہد خاقان عباسیءَ گشتگ کہ پاکستان ءِ تہا ناشرکاری ءِ ھلاپ ءَ درساں چہ مستریں جنگ کتگ، ناشرکاری ءِ ھلاپ ءَ اے جنگ پاکستان ءَ وتی آسراتیءَ چہ کتگ ، مہ ناشرکاریءِ ھلاپءَ جنگ ءِ تہا بازیں قربانی داتگ، سرجمیں دنیاءَ اگاں ناشرکاری ءِ ھلاپ ءَ اگاں یک ملکے ءَ قربانی داتگ گڈا آ پاکستان اِنت ، ناشرکاری ءِ ھلاپ ءِ جنگءِ ھکءَ اَنت، پاکستان ایٹمی سلاھ آنی پلگارگءِ سرءَ ایچ جست نیست، وھدءَ پدر کتگ کہ مہ ایٹمی سلاھ آنی ھوالگءَ سک باز زمہ وار اَنت، بھارت کنٹرول لائن ءِ سرءَ نہ ھکی کنگءَ اِنت، کشمیرءَ زُلمءُ نہ ھکی ءَ چہ دلگوشی ءَ دور کنگءِ ھاترءَ ایل او سی ءِ سرءَ ناھکی کنت، کشمیرآنی وت واجہی ءِ ھمراھ داریءَ جاری دار اَنت، خطہءِ تہا بھارت ءِ وت سری ءَ نہ من اَنت، پاک سرڈگار اوگانستان ءِ ھلاپ ءَ کارمرز بوھگءَ نہ اِنت۔ اے ھیالانی درشانی آئیءَ چار شمبے ءِ روچءَ نیویارک ءَ کونسل آن فارن ریلیشنز ءِ تہا گپءُ تران ءِ تہا بازیں جُستانی پسو داتگءُ گشتگ ۔ مزن وزیر شاہد خاقان عباسی ءَ گشتگ کہ پاک اوگان سیمسرءِ سرءَ سیکیورٹی نہ بوھگءَ منشیات بھاءُ سیم کنوک پاھدگ چست کنگءَ اَنت۔یک جُستےءِ پسوءَ مزن وزیر شاہد خاقان عباسی ءَ گشتگ کہ اوگانستانءِ تہا بھارت ءِ کرد اَست۔ اوگانستان ءَ امنءُ ایمنی ءِ ھاترءَ گپءُ تران کنگءَ ساڑی اَنت۔ آئیءَ گشتگ کہ سرجمیں دنیاءَ اگاں یک ملکے ناشرکاریءِ ھلاپ ءَ جنگ کنگءَ اِنت گڈا آ پاکستان اِنت۔ پاکستان حقانی نیٹ ورک ءِ ھوالگءَ مزن وزیر ءَ گشتگ کہ پاکستان ءِ تہا حقانی یا دگہ ایچ نیٹ ورک نیست۔ مزن وزیر شاہد خاقان عباسی ءَ سی پیک ءِ ھوالگءَ جُستءِ پسوءَ گشتگ کہ سی پیک اقتصادی دیمروئی ءِ ھاسیں بھر اِت۔پاک امریکہ سیادی ءِ ھوالگءِ جُست ءِ پسوءَ مزن وزیر ءَ گشتگ کہ پاک امریکہ سیادی ءِ تہا ایچ وڈیں اوشت نیست۔ پاک امریکہ ءِ سیادی ءَ را 70سال اِنت۔ مارا مالی کمک نہ میاں اوستمانی مارکیٹءَ جاگہ لوٹ ایت۔ یک جُستے ءِ پسوءَ مزن وزیر شاہد خاقان عباسیءَ گشتگ کہ پاکستان ءِ تہا مزن وزیر تنا ایچ پیسلہ کُت نہ کنت۔ دراھیں پیسلہ شورءُ صلہ ءِ گوما بنت۔ پاکستانی آئین ءِ تہا مزن وزیرءِ کرد پد ر اِنت۔ آئیءَ گشتگ کہ قبائلی دمگانی راج رپک ءِ تہا ھوار بوھگءِ ھاترءَ کانود سازگ بوھگءَ اِنت۔ ایٹمی اثاثہ آنی پلگارگءِ ھوالگءَ جُست ءِ سرءَ مزن وزیر ءَ گشتگ کہ اٹیمی اثاثہ آنی ترندیں کنٹرول اینڈ کمانڈ سسٹم دار اَنت۔ پاکستانءِ ایٹمی سلاھ آنی پلگارگءِ سرءَ ایچ جست نیست۔ یک جُستے ءِ پسو ءَ مزن وزیر ءَ گشتگ کہ ناشرکاری ءِ ھلاپءِ جنگءَ پاکستانءَ ارباں ڈالرءِ تاوان چست کتگ۔ اُسامہ بن لادن ءِ ھوالگءَ جُستءِ پسوءَ مزن وزیر ءَ گشتگ کہ مئے گورءَ اُسامہ بن لادن ءِ اَست بوھگءِ ایچ وڈیں معلومداری نہ بوتگ۔ واھشت بوتگ کہ اُسامہ بن لادن ءِ ھاترءَ ایکشن زورگءَ چہ پیسر مارا سرپد بہ کُت اِنت۔ آئی ءَ گشتگ کہ پاکستان ءِ تہا ناشرکاری ءِ ھلاپ ءَ مزنیں ھترناکیں جنگ کنگ بوتگ ءُ پاکستان ءَ ناشرکاری ءِ ھلاپءِ جنگءَ اے جنگ وتی آسراتیءَ کنگ بوتگ ءُ کنگءَ اَنت۔
