نیویارک ۔ 21 ستمبر (اے پی پی)مزن وزیرشاہد خاقان عباسی ئِ گوما نیویارک ئَ نوبل انعام زوروکیں ملالہ یوسفزئی ئَ گند ئُُ نند کرتگ۔مزن وزیرکارگِس ئَ چہ جاڑی بیان ئِ ردا مزن وزیر ئَ گوں گند ئُ نند ئِ ساعت ئَ ملالہ یوسفزئی ئَ مزن وزیرئَ را پاکستان ئَ وانگ ئُُ زانگ ئَ زالبولانی وانگ ئَ را دراجی دیگ ئِ ھاترا وتی جہد آنی باروا سرپد کتگ۔آہاں امیت ئِ درشان کت کہ مزن وزیر شاہد خاقان عباسی پاکستان ئَ وانگ ئُُ زانگ ئِ چیمپئین ثابت بنت۔ مزن وزیر شاہد خاقان عباسی ئَ پاکستان ئَ وانگ ئُُ زانگ ئُُ زالبولانی وانگ ئُُ زانگ ئِ دراجی ئِ ھاترا ملالہ یوسفزئی ئِ جہد ئَ را ساڑاتگئُُ گوشت کہ وانگ ئُُ زانگ ئِ ودکی اَستیں حکومت ئِ ایجنڈہ ئَ اولی دلگوشی انت۔وانگ ئُُ زانگ ئَ زرکاری ئِ ابید اچ وڑیں زرکاری بے نپ ئُُ بے پائدگ بنت۔آہاں گوشت کہ گوستگیں چار سال آنی ساعت ئَ تعلیم ئِ شوبگ ئَ گہتری اَستیں حکومت ئِ دلگوشی ئِ ثبوت انت۔مزن وزیر ئَ گوشت کہ مہ چاریں صوبگ آنی سر وزیر آن نمدی نبشتہ کتگ انت کہ بیائے وانگ ئُُ زانگ ئِ ودکی ئُُ گہتری ئِ ھاترا ھواری ئَ کار ئَ کنے۔ مزن وزیر ئَ پنجاپ ئَ تعلیم ئِ پڑ ئَ پُرشانیںکارکردگی ئِ سرا پنجاب حکومت ئِ ستا کتگ ئُُ گوشت کہ پنجاپ حکومت ئَ ڈی ایف آئی ڈی ئَ گوں پجی ئَ صوبگ ئِ تہ وانگ ئُُ زانگ ئِ پراھی داتگ چریشی ئَ وانگجاہ ئَ انرولمنٹ ئَ گیشی بوتگ۔آہاں گوشت کہ حکومت انوں وانگ ئُُ زانگ ئِ نصاب ئَ دلگوشی دیگ انت ایشی ئَ راجدپتر، میتھمیٹکس ئُُ سائنس ئِ شوبگ ھوار انت ایشی ئِ وسیلگ ئَ نودربرانی پٹئُُ پولکاری ئِ بود شر تر بنت۔مزن وزیر ئَ گوشت کہ حکومت این جی اوز ئُُ صوبائی حکومت ئَ گوں رھوت ئَ انت تنکہ اے مکسد زورگ بنت۔
