نیویارک ۔ 21 ستمبر (اے پی پی) مزن وزیر شاہد خاقان عباسی ئَ نیویارک ئَ امریکی صدر ڈونلڈ ٹرمپ ئِ گوما گونڈو ئِ گند ئُُ نند کتگ۔مزن وزیر ئَ گوشت کہ امریکی صدر ئَ گوں گند یئُُ نند شرتر بوتگ۔ میڈیا رپورٹ آنی ردا اقوام متحدہ ئِ جنرل اسمبلی ئِ72می دیوان ئِ ساعت ئَ امریکی صدر ڈونلڈ ٹرمپ ئِ نیمگا چہ میاں اوستمانی راھشُون آنی شرپ ئَ ارزبند بند ئُُ بست کنگ بوتگ۔ پاک امریکہ بزنس کونسل ئِ نیمگا چہ چارشمبے ئَ ارزبند ئِ بند ئُُ بست کنگ بوتگ۔اے ساعت ئَ مزن وزیر ئَ گپ ئُُ تران ئِ ساعت حال دات کہ امریکی صدر ڈونلڈ ٹرمپ ئَ گوں گند ئُُ نند بوتگ ئُُ اے گند ئُُ نند شرتر بوتگ۔ امریکی نائب صدر مائیک پنس ئِ گوما مزن وزیر شاہد خاقان عباسی ئِ 45ملنٹ دراجیں گند ئُُ نند ئِ رندا امریکی صدر ڈونلڈ ٹرمپ ئِ گوما مزن وزیر شاہد خاقان عباسی ئَ گند ئُُ نند کتگ۔مزن وزیرئَ گوشت کہ امریکی صدر ڈونلڈ ٹرمپ ئِ گوما گند ئُ نند ئِ ساعت ئَ مہ گوشت کہ پاکستان ہر رنگیں ناشرکاری ئِ ھلاپ ئَ جزم دار انت۔دومی نیمگا وائٹ ہاوس ئِ نیمگا چہ جاڑی کتگیں بیان ئَ گوشگ بوتگ کہ امریکی نائب صدر مائیک پنس ئُُ مزن وزیرپاکستان شاہدخاقان عباسی ئِ نیام ئَ بیوکیں گند ئُُ نند ئَ باز ھاسیں کار آنی سرا ھیال ریچی بوتگ ایشی ئَ امریکی صدر ئِ جنوبی ایشیا ئِ باروا پالیسی ئُُ دمگے جاورھال ھوار انت
