نیویارک ۔ 21 ستمبر (اے پی پی) مزن وزیر شاہد خاقان عباسی ءَ گوشت کہ ما پاکستان ءِ بابت ءَ امریکی پالیشی آنی تہءَ کجام یک مزنیں مٹی یے اُمیت ءَ نہ دار آں ءُُ مئے ملک ٹرمپ انتظامی ءِ گوما ھاسیں رنگ ءَ ناشرکاری ءِ ھلاپ ءَ جنگ ءَ کار کنگ ءَ تیار اِنت۔ اقوام ءِ متحدہ ءِ جنرل اسمبلی ءِ 72 ھپاد ءُُ دومی دیوان ءِ موہ ءَ ’’سی این این‘‘‘ ءَ را داتگیں گلگدار ءِ تہءَ مزن وزیر شاہد خاقان عباسی ءَ گوشت کہ پڑ ءَ پاکستان ءِ کار کنگ ءِ وڑ ءُُ پیم ءِ سر ءَ ’’اختلاف ءِ رائے‘‘ بوت کنت۔ یکوئی ءِ تہءَ جھلگ ءُُ بُرزگ کاینت، بلے اے یکوئی آناں اوگانستان ءِ ھوالگ ءَ چارگ نہ لوٹ ایت، اے ھپتاد سالی کوھنیں یکوئی اَنت، ما مُدام امریکہ ءِ کمکی بوتگ اَنت، ھاسیں رنگ ءَ ناشرکاری ءِ ھلاپ ءَ جنگ ءَ شریکدار آں، اے یکوئی آناں ھمے رپک ءَ چارگ لوٹ ایت۔ امریکی صدر ڈونلڈ ٹرمپ ءِ پاکستان ءِ ھوالگ ءَ پالیشی آنی بابت ءَ یک جُستے ءِ پسو ءَ مزن وزیر شاہد خاقا عباسی ءَ ایشرا ’’اختلاف ءِ رائے‘‘ نامینان ءَ گوشت کہ پاکستان اے جاور ھال آناں دگہ روح ءَ چار ایت، مئے ملک ءَ ناشرکاری ءِ ھلاپ ءَ جنگ کتگ ءُُ ایشی ءِ تہءَ مزنیں کساس ءَ تاوان برداشت کتگ۔ آئیءَ گوشت کہ مرچی ھم ہزارانی اُرد اے شومی ءِ تہءَ ھلاپ ءَ جنگ ءَ دزگٹ آں۔ یک جُستے ءِ پسو ءَ مزن وزیر ءَ گوشت کہ ناشرکایر ھرکسی واستہ بیم اِت۔ آئیءَ گوشت ککہ پاکستان ءَ را بھارت ءِ نیمگ ءَ ترس اِنت، آئی ءَ مئے ھلاپ ءَ سئے جنگ مچینتگ، آ ایٹمی طاقت اِت مارا بازیں رند ءَ آئی ءِ ھلاپ ءَ دیمپانی کنگ کپتگ۔ ایشی ءِ سر ءَ جُست کنگ بوت کہ گڈا شما ھم ایٹمی طاقت است اِت گڈا مزن وزیر ءَ پسو دات کہ پاکستان ءَ بھارت ءِ بیم ءِ مٹ ءَ ایٹمی وتاس ءُُ توپک جوڑ کتگ۔ امریکی پالیشی آنی تہءَ امیتیگیں مٹی ءِ جست ءِ پد ءَ مزن وزیر ءَ گوشت کہ آ سئے شمبے ءَ امریکی نائب صدر مائیک پنس ءَ گوں مل اِت ءُُ آئی ءَ را اے بابت ءَ پاکستان ءِ لوٹ ءِ بابت ءَ سرپد کت۔ آئی ءَ اے گپ ءَ را پد ءَ واتر کت کہ پاکستان ناشرکاری ءِ ھلاپ ءَ جنگ ءَ امریکہ ءِ گوما کار کنگ ءِ واستہ تیار اِنت چیا کہ ناشرکاری یکجائیں دُژمن اِت۔ گوریچانی کوریا ءِ ایٹمی پروگرام ءِ بابت ءَ یک جُستے ءِ سر ءَ مزن وزیر ءَ گوشت کہ گوریچانی کوریا ءَ را میاں اوستمانی کانود آنی پابندی کنگ لوٹ ایت۔ آئی ءَ گوشت کہ گوریچانی کوریا ءِ ایٹمی پروگرام آنی سر ءَ پاکستان ءَ را ھم بُکگگ اَست۔
