پاکستان ءَ را سندھ طاس منوگری ءِ شرط آنی سر ءَ اِچ شک نیست، ما وت مہ وتی شور ءُُ سلاھی گیواری ءِ ھاترا میاں اوستمانی بینک ءِ دزگٹ بوھگ ءِ واھشت مند آں
نیویارک۔ 20 ستمبر (اے پی پی) مزن وزیرشاہد خاقان عباسی ءَ گوشت کہ سندھ طاس منوگری ءِ شرط آنی بابت ءَ اِچ شک نیست، ما وت مہ وتی شور ءُُ سلاھ گیواری ءِ ھاترا میاں اوستمانی بینک ءِ دذگٹ بوھگ ءِ واھشت مند آں۔ آئیءَ اے گپ سی ای اوکرسٹالینا جار جیوا ءَ گوں گپ ءُُ تران کنان ءَ کت اَنت آئیءَ چار شمبے ءِ روچ ءَ ادا گند ءُُ نند کتگ اَت۔ سی ای او ءَ پاکستان ءِ گوما یکجاھ بوھگ ءُُ کار کنگ ءِ جزم ءِ درشان کت میکرو اکنامک فریم ورک ءِ برجائی ءَ پاکستان ءِ گامگیج آنی توسیپ کت۔ آئیءَ پاکستان ءَ گیش بندوبست آنی کمک ءَ را جاڑی دارگ ءِ جزم ءِ ھم درشان کت۔ آئیءَ سندھ طاس منوگری ءَ پاکستان ءِ جوانیں ءُُ جوڑیشتی کرد ءَ را ساڑات ءُُ گوشت کہ میاں اوستمانی بینک انوں منوگری ءَ را دیم ءَ جنزینگ ءِ کشک ءَ پولگ ءَ اِنت۔ مزن وزیر شاہد خاقان عباسی ءَ تربیلا 4ءُُ تربیلا 5ءُُ داسو ہائیڈرو پاور منصوبگ ءَ میاں اوستمانی بینک ءِ کمک ءَ را ساڑاآن ءَ دیامیر بھاشا ڈیم ءِ واستہ ھم میاں اوستمانی بینک ءِ کمک لوٹ ایت ایش ملک ءَ آپی رکھینگ ءِ ضروریت ءِ ھاترا المی اِنت۔ آئیءَ گوشت کہ ما منصوبگ ءِ آپ ءُُ توان ءِ چیز آناں جتا کنگ ءِ وڑیں بازیں ارزشتی ایں منصوبگ آنی سر ءَ کار کنگ ءَ تیار آں۔ دوئیں نیمگ ءَ رابطہ ءُُ کمک جاڑی دارگ ءِ سر ءَ تپاک کت۔
