امریکی کمپنی پاکستان ءَ سرمایہ کاری بہ کن اَنت، آھودا آوانی واستہ جوانیں جاور، دلپسندیں نپ ءُُ ایشی ءِ آئی ءِ ملک ءَ روان دیگ دل یکیمی جوڑ کنگ بیت
نیویارک ۔ 21 ستمبر (اے پی پی) مزن وزیر شاہد خاقان عباسی ءَ امریکی کمپنی آناں گوشتگ کہ آ پاکستان ءَ سرمایہ کاری بہ کن اَنت، آھودا آوانی واستہ جوانیں جاور، دلپسندیں نپ ءُُ ایشانی آوانی ملک ءَ روان دیگ دل یکیمی جوڑ کنگ بیت۔ پاکستان امریکہ بزنس کونسل ءِ چیر دستی ءَ ھڈ داتگیں سبارگ ءَ گشتانک دیان ءَ مزن وزیر ءَ گوشت کہ پاکستان 2025ءَ دگنیا ءِ 20مزنیں معاشی طاقت آنی تہ ءَ ھوار بیت، ایشی ءِ 60درسد آباتی 30سال اُمبر ءَ چہ کم ءُُ 10کروڑ مڈل کلاس اُلس ءَ ھوار اِنت۔ سُبارگ ءَ مزنیں امریکی کمپنی آنی سروک ءُُ نماھندگ آں بھر زوری کت۔ مزن وزیر ءَ گوشت کہ پاکستان ءَ ھمک رنگ ءِ پوٹینشل اَست۔ ایشرا منگ پکار اِنت۔ آئی ءَ گوستگیں شپ ءَ وش اتکی ءِ موہ ءَ امریکی صدر ڈونلڈ ٹرمپ ءَ گوں گند ءُُ نند ءِ کسو کت۔ آئی ءَ گوشت کہ امریکہ ءِ نائب صدر مائیک پینس ءَ گوں بوتگیں گند ءُُ نند ھم سک باز سیت مند بوتگ۔ آئی ءَ گوشت کہ امریکی سروک آنی پاکستان ءِ بابت ءَ رویہ جوان اِنت ءُُ من انوں ایشرا دل یکیمی داتگ کہ پاکستان ناشرکاری ءِ ھلاپ ءَ جنگ ءُُ وتی سر ڈگار ءَ ناشرکاری ءِ ھلاسی ءِ ھاترا جزمیگ اِنت۔ مزن وزیر شاہد خاقان عباسی ءَ گوشت کہ پاکستان ءِ حکومت سرمایہ کاری ءِ ضلورت ءِ سر ءَ سرجمی ءَ سرپد اِنت۔ آئی ءَ دل یکیمی دات کہ در ملکی کمپنی آنی توامیں ضلورت آناں سرجم کنگ بیت۔ مزن وزیر ءَ پاکستان ءَ سیکورٹی ءِ ھوالگ ءَ استیں تُرس ءُُ بیم آناں سرجمیں ءَ رد کنان ءَ گوشت کہ پاکستان ءَ بازنیں امریکی کمپنی پیسر ءَ چہ کار کنگ ءَ اَنت ءُُ آ جوانی کاروبار کنگ ءَ اَنت۔ آئی ءَ جنرل الیکٹرک ءِ ھوالگ دات ءُُ گوشت کہ آ پاکستان ءَ بازیں منصوبگ آنی سر ءَ کار کنگ ءَ اِنت۔ آئی ءَ گوشت کہ تو پاکستان ءَ کا اِت گڈا مھکمیں پنجگ آنی تہ ءَ بئے۔ مزن وزیر ءَ گوشت کہ امریکی کمپنی سی پیک ءَ سرمایہ کاری بکن اَنت ءُُ بازیں کساس ءَ نپ کٹ اِت کناں۔ ایشی ءِ تہ ءَ چین 60ارب ڈالر ءِ سرمایہ کاری کنگ ءَ اِنت۔ آئی ءَ گوشت کہ سی پیک نیامی ایشائی ملک آنی واستہ کشک ءَ پچ کنت۔ نوکیں انفراسٹرکچر، سڑک ءُُ ھاٹیگ ءِ منصوبگ ترندی ءَ سرجم کنگ بوھگ ءَ اَنت۔ مزن وزیر ءَ گوشت کہ ملک ءَ میکرواکنامک ٹِک گہتر بوتگ اَنت، نمبگ چار 4سال آنی تہ ءَ 2.6درسد ءَ چہ ود اِتگ ءُُ 5.3درسد ءَ سر بوتگ، ایش آیوکیں سال ءَ 6درسد بیت۔ آئی ءَ گوشت کہ ملک ءَ سٹاک ایکسچینج دُگنیا ءُُ پڑ ءَ گہتریں اِزمکاری پیش دارگ ءَ اِنت۔ مزن وزیر ءَ گوشت کہ 2018ءَ 10ہزار میگاواٹ گیش ایں توان نیشنل گرڈ ءَ ھوار کنگ بیت وھدیکہ گیش منصوبگ سرجمی ءِ سیم سر آن اِنت۔ آئی ءَ گوشت کہ نوکیں لیکوئیفائیڈ نیچرل گیس ٹرمینل جوڑ کنان ءَ کدرتی گیس ءِ ضلورت ءَ ر اپورا کنگ بوتگ۔ آئیءَ گوشت کہ آپ ءِ ٹوھیں بُن زیاھ تُرندی ءَ سرجم کنگ بوھگ ءَ اَنت، ایشانی تہءَ توان پیداک کنگ بیت۔ آئیءَ گوشت کہ پاکستان ءَ ایمنی ءِ ھاترا 6500سیکورٹی کارندہ ءُُ 21000شہری آناں کربانی داتگ، ناشرکاری ءِ بُنزیا آناں ھلاس کنگ بوتگ ءُُ پاکستان ءَ سرجمیں رنگ ءَ محفوظ جوڑ کنگ بوھگ ءَ اِنت۔ آئیءَ گوشت کہ دُگنیا ءَ را ایمن جوڑ کنگ ءِ ھاتر اپاکستان ءَ 120ارب ڈالر ءِ معاشی تاوان چست کتگ۔
