اقوام متحدہ ۔ 21 ستمبر (اے پی پی) وائٹ ہاؤس ءَ مزن وزیر شاہد خاقان عباسی ءُُ امریکی نائب صدر مائیک پینس ءِ نیام ءَ گپ ءُُ تران ءَ را ارزشتی نامینان ءَ گوشتگ کہ پاکستان امریکی صدر ڈونلڈ ٹرمپ ءِ جنوبی ایشیائی پالیشی ءِ سر ءَ امریکہ ءِ شریکدار بوھان ءَ سک باز چیز دزگیر کت کنت۔ اقوام ءِ متحدہ ءِ جنرل اسمبلی ءِ دیوان ءِ موہ ءَ مزن وزیر شاہد خاقان عباسی ءُُ امریکی نائب صدر ءِ گند ءُُ نند ءَ جاڑی کتگیں بیان ءَ وائٹ ہاؤس ءَ گوشتگ کہ اے گند ءُُ نند ءَ امریکی صدر ڈونلڈ ٹرمب ءِ زرباری ایشائی گامگیج، ایشی ءَ جار گوستگیں ماہ ءَ کنگ بوتگ، ایشی ءِ بابت ءَ ارزشتی ایں گپ ءُُ تران بوتگ۔ بیان ءِ رد ءَ امریکی نائب صدر ءَ صدر ٹرمپ ءِ اے دل یکیمی ءَ را واتر کت کہ پاکستان پڑ ءَ مئے کوشست آنی تہءَ شریکدار بوھان ءَ سک باز چیز دزگیر کت کنت۔ وائٹ ہاؤس ءِ رد ءَ گوشگ بوتگکہ امریکی نائب صدر ءَ اے رپک آناں سہرا کتگ ایشانی وسیلگ ءَ پاکستان زرباری ایشیاء ءَ دُرستانی واستہ برجائی ءُُ وشھالی ءَ را گیش کنگ ءِ ھاترا امریکہ ءُُ دومیگ آنی گوما یکجائی ءَ کار کت کنت۔ پاکستانی سفارتخانہ ءِ نیمگ ءَ چہ جاڑی بوتگیں بیان ءِ رد ءَ مزن وزیر شاہد خاقان عباسی ءُُ امریکی نائب صدر ءَ اوگانستان ءُُ پڑ ءَ ایمنی ءُُ برجائی ءِ ھوالگ ءَ جیڈھ آنی سر ءَ گپ ءُُ تران کت ءُُ دو نیمگی یکوئی ءَ را گیش کنگ ءِ واستہ یک مشت بوھگ ءُُ کار کنگ ءِ سر ءَ تپاک کت۔
