اسلام آباد۔ 20 ستمبر (اے پی پی) صدر مملکت ممنون حسین پارینے کہ پاکستان و سوئٹزر لینڈ نا نیام اٹ واپار اٹی ودکی و پاکستان اٹی سوئس زرکاری نا مون آ دننگ آ پبی چکار تننگ نا گرج ءِ۔ داہیت ءِ او سوئٹزرلینڈ کن پاکستان نا پندار سفیر احمد نسیم وڑائچ تون ہیت وگپ کرسا کرے ہرا چارشنبے نادے ایوان صدر اٹی اوڑتون اوڑدہی کرے۔ صدر مملکت پارے کہ سوئٹزر لینڈ اتون واپاری ، دودوربیدہ ہی و تعلیمی ڈل آتا ہن و بر مرے و پاکستانی طالب علم آتے کن وظیفہ غاتا دوئی آ چکار کننگے تانکہ پاکستانی طالب علم آتے بڑزکو تعلیم نا گچین وارخواہی دوبننگ کے۔ صدر ممنون حسین پارے کہ کشاری بشخ اٹی سوئس زرکاری نا است بڈی ءِ کننگک انتئے کہ ملک اٹی داوخت آ زرکاری نا گچین ءُ وارخواہی ا س ارے۔ اوپارت کرے کہ مفاد عامہ نا سرجز آتیٹی ودکی کن ریڈکراس و ریڈ کریسنٹ نا نیام اٹ کمکاری ءِ ودفنگ کن کاریم کننگے۔ صدر ممنون حسین پارے کہ دنیا ءِ پاننگے کہ دہشت گردی آن پاکستان ءِ غٹ آن زیات نسخان مس و پاکستان آن دہشت گردی ءِ چٹفنگانے۔ پندار سفیر احمد علی نسیم وڑائچ دا تعیناتی آ صدر مملکت نا منت واری ءِ ہرفے۔
