پاکستان ءِ میانمار ءِ روہنگیا مسلمان آنی نہ گیگیں جاور ءِ سر ءَ دلپدردی ءِ درشان
اسلامی ملک آنی گل روہنگیا ءِ مسلمانیں برات ءُُ گُہار آنی گوانک ءِ جوڑ بوھگ ءَ وتی کرد ءَ پیلو بہ کنت، پاکستان او آئی سی یا اقوام ءِ متحدہ ءِ نیمگ ءَ بنی آدم آنی دلپدردی ءِ بنیات ءَ روہنگیا ءِ مسلمان آنی ھمک کوشست ءِ سرجم ءَ ھمبراہ داری ءَ کنت، ہزارانی کساس ءَ بے گنائیں مرد، زالبول ءُُ زھگ میانمار ءَ وتی گران بہائیں جان آناں بباد داتگ، استیں واکیات روہنگیا ءِ مسلمان آنی نسل کشی ءِ زندگیں درور اِنت، میاں اوستمانی برات روہنگیا ءِ مسلمان آنی سر ءَ ظلم ، لٹ ءُُ پُل ءُُ لگت مالی ءُُ چُک چینی ءِ گر ءُُ دار ءِ ھاترا میانمار ءِ حکومت ءِ سر ءَ ھمک رنگ ءِ زور پر بہ دنت
مزن وزیر شاہد خاقان عباسی ءِ اقوام ءِ متحدہ ءَ او آئی سی ءِ رابطہ گروپ ءِ دیوان ءَ گشتانک
اقوام متحدہ ۔ 20 ستمبر (اے پی پی) پاکستان ءَ میانمار ءَ روہنگیا مسلمان آنی نہ گیگیں جاور ءِ سر ءَ دلپدردی ءِ درشان کنان ءَ اسلامی ملک آنی گل روہنگیا ءِ مسلامانی جاور ءِ سر ءَ وتی کرد ءَ پیلو بہ کنت۔ اقوام ءِ متحدہءِ ہیڈ کوارٹر ءَ سئے شمبے ءَ 57 ملک آنی گل او آئی سی ءِ رابطہ گروپ ءِ دیوان ءَ گشتانک دیان ءَ مزن وزیر شاہد خاقان عباسیی ءَ او آئی سی ءَ را دل یکیمی داتگ کہ پاکستان اے نیکیں مول ءُُ مراد ءِ ھاتراوتی سرجمیں کمک ءَ کنت۔ آئی ءَ گوشت کہ او آئی سی یا اقوام ءِ متحدہ ءِ نیمگ ءَ بنی آدمی کمک ءِ بنیات ءَ روہنگیا ءِ مسلمان آنی کجام ھم کوشست ءِ سرجمی ءَ کمک ءَ کنت۔ مزن وزیر ءَ گوشت کہ ہزاراں بے گناہیں مرد، زالبول ءُُ زھگ میانمار ءَ وتی گران بہائیں جان آناں بباد داتگ وھدیکہ استیں واکیات روہنگیا ءِ مسلمان آنی نسل کشی ءِ زندگیں درور اِنت۔ آئی ءَ گوشت کہ انوگ ءَ تاں 4لکھ ءَ چہ گیش روہنگیا ءِ مسلمان وتی لوگ ءِ یل کنگ ءَ مجبور بوتگ اَنت۔ اے بے کسور ھمساھگیں ملک آں پناہ پٹگ ءَ اَنت۔ آئی ءَ گوشت کہ روہنگیا ءِ مسلمان آنی اے ٹوھیں لگت مالی ءُُ نسل کشی ءَ ر اگر ءُُ دار کنگ لوٹ ایت۔ آئیءَ زور پر دات کہ میاں اوستمانی برات روہنگیا ءِ مسلمانی آنی سر ءَ ظلم ءُُ لگت مالی ءَ را گر ءُُ دار کنگ ءِ ھاترا میانمار ءِ حکومت ءِ سر ءَ زور پر بدیاں۔ پاکستان ءَ میانمار ءِ حکوت ءَ گوں لوٹ کتگ کہ آ جاور ھال آنی گہتر کنگ ءِ ھاترا زوتاں زوت گامگیج بہ زور اَنت ءُُ روہنگیا ءِ مسلمان آباتی آنی سر ءَ کشاں چیل ءِ کاروائی آناں بند بکن اَنت۔ پاکستان ءَ اقوام ءِ متحدہ ءَ چہ لوٹ کت کہ آ زوتاں زوت روہنگیا ءِ مسلمان آنی جاور ھال ءِ سرءَ چار ءُُ تپاسی ءِ ھاترا اقوام ءِ متحدہ ءِ فیکٹ فائینڈنگ مشن روان بہ دنت ءُُ بنی آدم ھمدردی ءِ بنیات ءَ کمک ءِ بندوبست ءَ بہ کنت۔ مزن وزیر ءَ گوشت کہ میانمار ءِ حکومت روہنگیا ءِ توامیں مہاجر آنی ایمنی ءَ واتری ءَ را دل یکیمی جوڑ کنگ ءِ ھاترا جاور آں گہتر بہ کنت ءُُ ایشانی جائزیں ھک آں بہ دنت ایشانی تہءَ ایشانی شہریت، نیک راھی آزاتی ءُُ میانمار ءِ یک ءُُ دگر ءَ ھمکچیں شہری مردم ءِ بسستار ءَ ایشانی تر ءُُ گرد ھوار اَنت۔
