راولپنڈی۔ 19 ستمبر (اے پی پی) پاک فوج انا سروک جنرل قمر جاوید باجوہ سے شنبے نادے انجینئرز سینٹر رسالپور نا دورہ ئِ کرے۔ پاک فوج انا شعبہ تعلقات عامہ (آئی ایس پی آر) نا کنڈآن جاری بیان نا رداٹ چیف آف آرمی اسٹاف جنرل قمر جاوید باجوہ لیفٹیننٹ جنرل جاوید محمود بخاری ئِ انجینئرکورانا کرنل کمانڈنٹ پن کرسا اودے رینک خلک۔ لیفٹیننٹ جنرل جاوید محمود بخاری پاکستان ملٹری اکیڈمی ٹی اعزازی شمشیر و گچین کیڈٹ نا اعزاز ئِ دوئی کرینے و سروس اٹی او گچین خذمت انجام ترساغیر معمولیئُ ریکارڈ ا س تخک۔ او جی او سی سوات آن بیدس بریگیڈ کمانڈر نا وڑاٹ ہم خذمت سرانجام تسنے۔ دود اٹی بھلو کچ اسے ٹی حاضر سروس و ریٹائرڈ آفیسر آک ہم ساڑی ئسر۔ چیف آف آرمی اسٹاف جنرل قمر جاوید باجوہ داوخت آ ساڑی مروک آتیان تران کرسا انجینئر زکور انا قومی جوڑ جاڑ، قدرتی آفت و آپریشن آتیٹی کڑد انا ستائِ کرے ۔ اوپارے کہ پاکستان آرمی نا انجینئرکور لمہ وطن نا شونداری و دفاع کن تینا کڑد آ فخر کننگ کیک ۔
