اسلام آباد۔18ستمبر(اے پی پی) ملک ءِ بازیں بھرآنی تہا پولیو گرءُ داری مہم دوشمبے ءِ روچءَ چہ بندات بوتگ۔ پنجاپ ءَ چار روچی پولیو گرءُ داری مہم سرگودھا، ملتان ، لودھرا ں ، وہاڑی، خانیوال ، حافظ آباد ءُ راجن پورءِ ضلع آں بندات بوتگ۔ خیبر پختونخوا ءُ فاٹا ءَ پولیو ءِ گرءُ داری مہم ءِ تہا 66لکھ ءَ چہ گیش زھگاناں اے سیلیں نادراھی ءَ چہ رکھینگءِ پِٹوکی وارینگ بیت۔ بلوچستان ءِ تہا تاں 5سال ءِ اُمبر ءِ 24لکھ زھگاناں ءُ گلگت بلتستان ءَ 2لکھ 43ہزار ءَ چہ گیش زھگاناں پولیوءَ چہ رکھینگ ءِ پِٹوکی وارینگ بیت۔ آزاد جموں ءُ کشمیر ءَ مُچ 07لکھ48ہزار 948زھگاناں ھُشکوئی ءَ چہ رکھینگ ءُ وٹامن اے ءِ پِٹوکی وارینگ بیت۔ کجام ھم ناوشیں جاورھالاں چہ رکھّگءِ ھاترءَ سیکیورٹی ءِ ترندیں بندوبست کنگ بوتگ اَنت۔
