امریکا ءُ پاکستان ءِ نیام ءَ مھکمیں ھاٹیگ ءِ منصوبگ آنا ں برجاکنگ بیت
امریکا مھکمیں ھاٹیگ ءِ منوگرآناں پکھوئیں رنگ دیئگ ءِ ھاتراں پاکستان ءِ سرجمیں کمک ءَ کنت ، ڈیوڈ ہیل
اسلام آباد۔ 18 ستمبر (اے پی پی) ڈپٹی چیئرمین منصوبہ بندی کمیشن سرتاج عزیز ءَ پاکستان ءِ نندوکیں امریکی سفیر ڈیوڈ ہیل ءُ ھاٹیگ ءِ شوبگ ءَ گوں سیادی داروکیں کلانہ دوشمبے ءِ روچ ءَ گندءُ نند کت۔ گند ءُ نند ءَ پاکستان و امریکہ ءِ نیام ءَ مھکمیں ھاٹیگ ءِ ھاتراامریکاءُ پاکستان ءِ نیام ءَ کمک ءِ سراھیال ریچی کنگ بوت ۔ اے موہ ءِ سرا ڈپٹی چیئر مین منصوبہ بندی کمیشن سرتاج عزیز گشتگ کہ امریکا ءُ پاکستان ءِ نیام ءَ مھکمیں ھاٹیگ ءِ منوگری ءَ چہ ھاٹیگ ءِ شوبگ ءَ پاکستان ءِ ازم ءُ زا نت کاری ءِ تہا گیشی بیت۔ آئی ءَ گشت کہ حکومت ملک ءَ ھاٹیگ ءِ شوبگ ءَ وت پودگ ءُ ایندگہ جیڈھ آں گوں گرءُ چل بوھگ ءَ ھوار در ملکی سرمایہ کاری ءُُ ایشی ءِ رپک ءِ تہءَ آسانی آرگ ءِ ھاترا جوانیں گامگیج زورگ ءَ اِنت۔ پاکستان ھاٹیگ ءِ شوبگ ءَ نوکیں ٹیکنالوجی ءَ را پاکستام توانائی ءِ پڑءَ جدید ٹیکنالوجی پجّار کنگءُ اے پڈءَ جدید دورءَ ہم آہنگ کنگءِ ھاترءَ گامگیج کنگ ءَ اِنت۔ سرتاج عزیز ءَ گشتگ کہ امریکہ ءُ پاکستان ءِ درنیامءَ مربوط توانائی ءِ منءُ گرءُ فعال کنگ بیت، پاکستان ءُ امریکہ ءِ درنیام ءَ مربوط توانائی ءِ منءُ گرءِ زوت دیمءَ بیا اَنت، مربوط توانائی ءِ منءُ گرءُ ایشی ءِ نتیجگءَ پٹءُ پول ءِ لائحہ عمل ءَ را دوازمی پنچ سالی منصوبہ ءِ بھر جوڈ کنگ بہ بیت۔ اے موھءَ امریکی سفیر ءِ نیمگءَ پاکستان ءَ توانائی ءِ پڈءَ کتگیں گامگیجانی توسیپ کتگ۔ آئیءَ گشتگ کہ امریکہ مربوط توانائی ءِ منءُ گرءَ را پکیں دروشم دیئگءِ ھاترءَ پاکستان ءِ سرجمیں کمک ءَ کنت۔
