مرکزی ءُُ صوبائی حکومت آناں نمب ءُُ باس ءِ رد ءَ چیلنج آں گوں گر ءُُ چیل بوھگ ءِ ھاترا یکجائی کوشست کنگ لوٹیت ، ایٹموسپئیر ءَ را لوڈ ءُُ مج ءَ چہ ساپ کنگ استیں جمہوری حکومت ءِ اولی ترجی اِنت، چاگرد ءِ رکھینگ وزارت ءِ موسمی مٹ ءُُ بدلی ءِ وزارت، در سرکاری گل ءُُ سول سوسائٹی ءِ چیر دستی ءَ اے مول ءُُ مراد آنی در جنگ ءِ ھاترا جوانیں کرد ءِ پیلو کت کن آں، اے جیڈھ گہتریں کانود جوڑ کنگ ءِ واستہ ارزشتی انت ایشرا سیادی داروکیں سٹیک ہولڈرز آں گوں شور ءُُ سلاھ کنان ءَ در جنگ بیت کنت، موسمی مٹ ءُُ بدلی ءِ بیم آں گوں گر ءُُ چیل بوھگ ءُُ ایٹموسپئیر ءِ لوڈ ءُُ مج ءِ گر ءُُ دار ءِ ھاترا جوانیں کانود سازی بیت کنت، اے رد ءَ پڑ ءِ دومی ملک آنی کانود جوڑ سازی ءَ چہ نپ چست کنگ بیت کت کنت
اسلام آباد ۔ 18 ستمبر (اے پی پی) وزیر مملکت اھوالکاری، شنگ کاری ءُُ راجی مڈی مریم اورنگزیب ءَ گوشت کہ ایٹموسپئیر ءَ را لوڈ ءُُ مج ءَ چہ ساپ ءُُ سلہ کنگ استیں حکومت ءِ بنداتی ترجی اِنت ءُُ چاگرد ءِ رکھینگ ءِ ادارگ وزارت ءِ موسمی مٹ ءُُ بدلی، در سرکاری گل ءُُ سول سوسائٹی ءِ چیر دستی ءَ اے مول ءُُ مراد آنی در جنگ ءَ جوانیں کرد ءِ پیلو کت کنت۔ وزیر ءِ مملکت ءَ اے ھیالانی درشانی دو شمبے ءَ ساپیں چاگرد ءِ در جنگ ءِ چیلنج ءَ پارلیمنٹ ءِ کرد ءِ رد ءَ شور ءُُ سلائی گول میز دیوان ءَ گوں گشتانک دیان ءَ کت۔ آئی ءَ گوشت کہ اے جیڈھ گہتریں کانود جوڑ کنگ ءِ واستہ ارزشتی انت ایشرا سیادی داروکیں سٹیک ہولڈرز آں گوں شور ءُُ سلاھ کنان ءَ در جنگ بیت کنت، موسمی مٹ ءُُ بدلی ءِ بیم آں گوں گر ءُُ چیل بوھگ ءُُ ایٹموسپئیر ءِ لوڈ ءُُ مج ءِ گر ءُُ دار ءِ ھاترا جوانیں کانود سازی بیت کنت، اے رد ءَ پڑ ءِ دومی ملک آنی کانود جوڑ سازی ءَ چہ نپ چست کنگ بیت کت کنت۔ وزیر ءِ مملکت مریم اورنگزیب ءَ گوشت کہ جوانیں دیمروئی ءِ ھد ءُُ ابیل آں سر بوھگ ءِ ھاترا پارلیمنٹ ءَ را جوانیں ءُُ سریچیں کرد ادا کنگی اِنت۔ آئی ءَ گوشت کہ اگاں 18ھژدھمی مٹ ءُُ بدلی ءَ پد جوانیں دیمروئی ءِ ھد ءُُ ابیل ءُُ شاپیں ایٹموسپئیر ءِ وڑیں بنگپ صوبائی حکومت ءِ زمہ واری جوڑ بوتگ اَنت بلے مرکزی ءُُ صوبائی حکومت آناں ما حول ءِ بابت ءَ بازیں نمونگ ءِ چیلنج آں گوں گر ءُُ چیل بوھگ ءِ یکجائی کوشست پیلو کنگی اِنت۔ آئی ءَ گوشت کہ جوانیں دیمروئی ءِ ھد ءُُ ابیل ءِ ارزشت ءِ رد ءَ دارچین قومی اسمبلی ءَ پاکستانی پارلیمنٹ ءَ یک سیکرٹریٹ ءِ ئے بنگیج کت ایشی ءِ تہ ءَ توامیں سیاسی گل آناں نماھندگی دیگ بوتگ۔ وزیر ءِ مملکت مریم اورنگزیب ءَ گوشت کہ دُگنیا ءَ پاکستانی پارلیمنٹ ھما ایوکیں پارلیمانی اِنت کہ ایشی ءِ مھکمیں دیمروئی ھد ءُُ ابیل ءِ درگت ءَ ململ سیکرٹریٹ ساڑی اِنت، اے سیکرٹریٹ جوانیں دیمروئی ءِ ھد ءُُ ابیل ءِ توامیں 17بن گپ آنی ڈیٹا در جنگ ءَ اِنت ءُُ صوبائی ٹاسک فورسز آنی گوما سرجمیں کمک زورگ ءَ اِنت۔ صوبائی ٹاسک فورسز ھم اے ھد ءُُ ابیل آں در جنگ ءِ ھاترا ترندی ءَ محنت کنگ ءَ آں۔ وزیر ءِ مملکت مریم اورنگزیب ءَ اے موہ ءِ سر ءَ گوشت کہ توامیں صوبگ آنی ٹاسک فورسز آنی تہ ءَ محترمہ راحیلہ درانی ءِ سروکی ءَ بلوچستان ٹاسک فورس ءَ جوانیں کرد پیش داشتگ۔ آئی ءَ گوشت کہ ھندی ادارگ آنی کار ءِ تہ ءَ گہتری سک باز ضلوری اِنت، ایشی ءِ ھاترا ھندی پڑ ءَ کلانہ آنی گیش کساس ءِ ساڑی بوھگ اے توامیں کار ءِ تہ ءَ گہتری سہرا بیت کنت۔ وزیر ءِ مملکت مریم اورنگزیب ءَ گوشت کہ چوش کہ جوانیں دیمروئی یک ءِ دومیگ ءِ گوما بندوک اَنت ایشی ءِ ھاترا بازیں وزارت آناں یکجائی کوشست ءِ ھاترا یک ءِ دومیگ ءِ گوما بندوک کنگ بوتگ ءُُ وژن 2025 ءَ را ھم اے درگت ءَ ارزشتی ایں جاھ گون اِنت۔
