کوئٹہ۔18 ستمبر(اے پی پی)گورنر بلوچستان محمد خان اچکزئی ءَ پاک اوگان بارڈر ءِ سر ءَ سیکورٹی فورسز آنی گاڑی ءِ نزیک ءَ بوتگیں بمب تراک ءَ را گوں ترندی ءَ ایراد گران ءَ ایشی ءِ تہءَ گران بہائیں بنی آدم آنی جانی تاوان ءِ پد ءَ ترنیں رنج ءُُ اندوھ ءِ درشان کتگ۔ گورنر ءَ گوشتگ کہ ناشرکار آنی ناپاکیں مول ءُُ مراد ھاک ءَ گوں ھور بنت مارا یکوئی ءُُ تپاکی ءِ درشان کنگی اِنت۔ آئی ءَ کانود ءَ را مھکم داروکیں ادارگ آنی سر ءَ زور پر دات کہ اے اپسوزی ایں واکیہ ءَ گوں گر ءُُ چیل بوھوکیں مردم آناں زوت دزگیر کنگ بیت ۔ گورنر ءَ واکیہ ءَ بیران بوتگیں مردم آنی آکبت ھیری ءُُ ٹپیگ آنی زوت جان دُراھی ءِ ھاترا دُعا ءِ نیک کت۔
