اسلام آباد ۔ 18 ستمبر (اے پی پی) قومی اسمبلی ئِ کورم ئِ سرجم نہ بوھگ ئِ پد ئَ دیوان سئے شمبے ئَ تاں مھتل دارگ بوتگ۔ دو شمبے ئَ قومی اسمبلی ئِ دیوان ئِ بندات پیپلز پارٹی ئِ باسک سید غلام مصطفیٰ شاہ ئَ بُکگ آنی سر ئَ لنکُک چست کنان ئَ گوشت کہ ایوان ئَ مرچی کانود جوڑ کنگ ئِ ھاترا ھمروچگیں رپک ئَ چہ ددر دویان بیگاہ ئِ پنچ بج ئِ مٹ ئَ سئے بج ئَ گوانک جنگ بوتگ پدا ھم ایشی ئَ ابید ایوان ئَ ایوک ئَ سئے وزیر ساڑی اَنت ئُُ باسک ھم بیگواہ اَنت۔ اے موہ ئِ سر ئَ آئی ئَ کورم ئِ نشان دات۔ ھساب کنگ ئَ کورم ئِ سرجم نہ بوھگ ئِ سبب ئَ ڈپٹی سپیکر ئَ دیوان کورم ئِ سرجم بوھگ ئَ تاں مھتل داشت۔ ایشی ئَ پد حق رسگ ئِ سرپدی بل 2017یک رند ئِ پد ئَ کورم ئِ وڈالیگ بوت۔ قومی اسمبلی ئَ ایجنڈا ئِ سر ئَ تچکیں ئُُ جوانیں رنگ ئَ سرپدی آں تاں رسگ ئِ ھک دیگ ئِ ھوالگ ئَ بل 2017ساڑی بوتگ پدا ھم کورم ئِ سبب ئَ یک رند ئِ پد ئَ بل منظور نہ بوت۔ دومی رند ئَ کورم ئِ نشان دیگ ئَ پد قومی اسمبلی ئِ دیوان سئے شمبے ئِ سھب ئَ تان مھتل دارگ بوت۔
