اسلام آباد ۔ 18 ستمبر (اے پی پی)سر وزیر بلوچستان نواب ثناء اﷲ زہری ءَ گوں چیئرمین نیب قمر زمان چوہدری ءَ دو شمبے ءَ سر وزیر سیکرٹریٹ ءَ گند ءُُ نند کت۔ گند ءُُ نند ءِ تہ ءَ لٹ ءُُ پُل ءِ ھلاسی ءُُ گڈ گورننس ءِ برجائی ءَ ھوار ایندگہ واھگ کرزیں جیڈھ آنی بابت ءَ ھیال ریچی کت۔ سر وزیر بلوچستان ءَ صوبہ ءَ لٹ ءُُ پُل ءِ سرجمی ءَ ھلاسی ءُُ گڈ گورننس ءِ برجائی ءَ را وتی حکومت ءِ اولی ترجی نامینتگ ءُُ اے بابت ءَ چست کتگیں گامگیج آنی بابت ءَ سرپد کت۔ گند ءُُ نند ءِ تہ ءَ اے گپ ءِ سر ءَ تپاک کنگ بوت کہ لٹ ءُُ پُل دیمروئی ءِ کشک ءَ مزنیں پینگ اِت ءُُ چاگرد ءِ بے شرپی ءِ بنیات سہرا بیت۔ ایشی ءِ گر ءُُ دار چاگرد ءَ توامیں مردماناں وتی کرد پیلو کنگی اِنت۔ سر وزیر بلوچستان ءَ ساپ ءُُ سلہ ئی ءُُ ایمنی ءِ گہتری ءِ ھاترا صوبائی حکومت ءِ کرد ءَ را لائک ءِ توسیپی نامینت ۔ ڈہ جی نیب بلوچستان عرفان احمد منگی ھم اے موہءِ سر ءَ ساڑی اَت۔
