لندن ۔ 17 ستمبر (اے پی پی)مزن وزیر شاہد خاقان عباسی ئَ گوشت کہ پاکستان ناشرکاری
ئِ ھلاپ ئَ جنگ ئَ یکجاھیں جہد ئَ لوٹگ انت، ملک ئَ ہچ وڈیں سیاسی بحران نیست انت،امریکی صدر ئِ بیان ئِ راجی دیمپانی کمیٹی ئَ پسو داتگ،راجی دیمپانی کمیٹی ئِ پالیسی حکومت ئِ پالیسی انت۔یک شمبے ئَ لندن ئَ رسانک درآں گوں گپ ئُُ تران کنان ئَ گوشت کہ میڈیا ئَ چھاپ بوتگیں اے رپورٹ کہ امریکہ پاکستان ئَ را وتی اتحاد ئَ چہ درکنت ئِ بارروا آہاں گوشت کہ پاکستان ناشرکاری ئِ ھلاپ جنگ ئَ ھواریں جہد ئِ وھگدار انت۔آہاں گوشت کہ امریکی صدر ڈونلڈ ٹرمپ ئِ بیان ئِ پسو راجی سلامتی کمیٹی ئَ داتگ۔وھدیکہ آہاں چہ جست ئُُ پرس کتگ کہ مسلم لیگ (ن) ئِ ھلاپ ئَ پندل ئِ برجاہ انت ہما وھد آہاں گوشت کہ پندل مئے ھاترا نوکیں ھبر نیست انت،پندل آنی سیاسی وڑ ئَ مقابلہ کنگ بوھگ انت۔ این اے 120لاہور ئِ پژمو گچینکاری ئِ ھوالہ جست ئِ پسو ئَ آہاں گوشت کہ آں انوں دیوان ئَ چہ اتکگ انت ئُُ آں اے وھد ئَ حلقہ ئَ گچینکاری ئِ چہ سرپد نیست انت۔آہاں گوشتگ کہ نتیجگ ئِ پدا اے باروا موقف دات کن انت۔یک جست ئِ پسو ئَ شاہد خاقان عباسی ئَ گوشت کہ چیلنج ہروھد بوھگ انت بلے حکومت وتی کار کنیت۔
