اشک آباد ۔ 17 ستمبر (اے پی پی) صدرمملکت ممنون حسین ئَ گوشت کہ پاکستان ئَ تاجکستان ئَ را بندن ئِ وسیلگ ئَ وتی برآمدئُُ درآمد کنگ ئِ پُر شانیں موہ ئِ پیش کش کرتگ ئُُ تاجکستان ئَ را دعوت داتگ کہ آں پاک چین اقتصادی راھداری ئِ بیوپاری روٹ ئَ چہ پائدگ ئَ زوریت۔اے ھیالانی درشان صدر مملکت ممنون حسین ئَ یک شمبے ئَ تاجکستان ئِ صدر امام علی رحمان ئِ گوما گند ئُُ نند ساعت ئَ کتگ انت۔ دوئیں ہمکار ئَ وت ما وتی سیادی ئَ را پراھی دیگ ئِ سرا تپاکی کتگ۔اے درگت ئَ صدر مملکت ممنون حسین ئَ گوشتگ کہ پاکستان ئُُ تاجکستان ئِ براتی سیادی ئِ بنیات ھواریں مفاد،امن ئُُ ایمنی ئُُ وشھالی انت۔ پاکستان ئُُ تاجکستان سفارتی سیادی ئِ سلور جوبلی گوازینگ انت۔شنگھائی کمک گلے باسکی ئِ ھاترا پلہ مرزی ئِ سرا تاجکستان ئِ منت ئَ گراں ۔آہاں گوشت کہ پاکستان ئُُ تاجکستان دمگیئُُ میاں اوستمانی فورم آنی سرا یکجاہی موقف ایر کنگ انت۔دوئیں ملکانی بیوپارئَ گیشی ئِ موہ ساڑی انت۔صدر ممنون
حسین ئَ گوشت کہ وت ما وتی بیوپارئَ ودکی ئِ ھاتراپاکستان دوشمبے ئَ 3بیوپاری نماش برجم داشتگ انت۔امید انت تاجکستان ھم پاکستانئَ بیوپاری نماش برجم داریت۔آہاں گوشت کہ پاکستان گوزوکیں سال نومبر ئَ 10می پاکستان ایکسپو برجم داریت۔تاجکستان 10می پاکستان ایکسپوئَ بیوپاری ڈل ئَ دیم دات۔صدرمملکت ئَ گشت کہ پاکستان کاسا 1000منصوبگ ئِ وھد ئَ سرجمی ئَ را باز ارزشت دیگ انت۔تاجکستان گوادر ئِ ھوار پاکستانی بندن آں چہ وتی بیوپاری ئَ گیشی کت کنت ،پاکستان ئُُ تاجکستان ئَ را بالی رھوت بحال کنگ لوٹیت۔صدر مملکت ئَ گوشت کہ خطہ ئَ گواتی،ڈگاری ئُُ ریل رھوت ئَ گوں بیوپاری ئُُ وشھالی ئَ گیشی کئیت۔اے درگت ئَ تاجکستان ئِ صدر امام علی رحمان ئَ گوشت کہ تاجکستان 10می پاکستان ایکسپو ئَ وتی بیوپاری ڈل دیم دات ئُُ گوں پاکستان ئَ وتی ڈائریکٹ گواتی رھوت بحال کنگ ئِ ھاترا گام چست کنگ ئِ حکم جاڑی کناں۔صدر امام علی رحمان ئَ صدر مملکت ممنون حسین ئَ راتاجکستان ئِ تروتاب ئِ دعوت داتگ ئُُ صدر مملکت ممنون حسین ئَ دعوت قبول کتگ۔اے ساعت ئَ وزیر مملکت برائے پٹرولیم جام کمال ئُُ ترکمانستان ئَ پاکستان ئِ سفیر مراد اشرف جمال ھم ساڑی اتنت۔
