اسلام آباد ۔ 17 ستمبر (اے پی پی)اقوام متحدہ ئِ جنرل اسمبلی ئَ سکیورٹی، امن ئُُ ایمنی ئُُ دگہ میاں اوستمانی کار آنی سرا باست ئُُ واست سئے شمبے ئَ چہ بنگیج بیت۔میاں اوستمانی ادارگ ئِ جنرل اسمبلی ئِ مزن تکے سالینہ دیوان ئِ 72می سیشن ئِ برجم دارگ ئِ دراھیں تیاری سرجم انت ئُُ مزن وزیر شاہد خاقان عباسی (مروچی)دوشمبے ئَ نیویارک ئَ سر بنت۔اے مزن تکے دیوان ئَ پاکستان ئِ مزن وزیر شاہد خاقان عباسی ئِ ھوار یک صد ئَ چہ گیش میاں اوستمانی راھشُون شریداری کن انت۔لہتیں ملکانی صدر،مزن وزیر ئُُ بازیں دگہ جھگیر بنجاہی موضوع اُلس ئِ سرا سرجم دلگوشی،سوگوکرہ ارض ئِ سرا درستاں پہ پر امن ئُُ گہتر زند گوازینگ ئِ ھاترا جہد،ئِ سرا ھیالانی درشان کن انت۔آدینک ئِ تاں 90ملکانی راھشون ئَ باست ئُُ واست ئَ بھر زورتگ ئِ ھاترا دست چنگل کتگ انت۔ جنرل اسمبلی ئِ استیں صدرمیروسلیف لج لگ ئَ وتی بنگیجی گوشتانک ئَ گوشت کہ تپاکیں راجانی گل اُلسے ھاترا جوڈ کتگ انت۔تپاکیں راجانی گلے جنرل اسمبلی ئِ ایجنڈہ ئَ 174آئٹمز انت۔نیو یارک ئَ جنرل اسمبلی ئِ دیوان ئِ درگت ئَ مزنیں کچ ئَ سیکیورٹی گام چست کنگ بوتگ انت۔ پاکستان ئِ مزن وزیر شاہد خاقان عباسی (مروچی) 18ستمبر دوشمبے ئَ نیو یارک ئَ سر بنت۔میاں اوستمانی راھشون آنی دیما وتی اولی گوشتانک ئَ مزن وزیر شاہد خاقان عباسی ملکی حاصیں ،میاں اوستمانی سیاسی، چاگردی جیڑھ ئُُ جنجال ئُُ دیمروئی کار آنی سرا پاکستان ئِ موقف پیش کن انت۔اٹلانٹک میڈ یا کمپنی ئِ کوآرٹرز انڈیا ویب سائٹ ئَ را داتگیں یک گلگدار ئَ اقوام متحدہ ئَ پاکستان ئِ سفیر ملیحہ لودھی ئَ گوشت کہ مزن وزیرکشمیرئِ جیڑھ ئَ را ھم چست کن انت چیاکہ اے وھد پاکستان ئُُ بھارت ئِ نیام ئَ گپ ئُُ گال جمود ئِ شکار انت۔ سفیر ئَ گوشت کہ چوکہ دونیمگی گپ ئُُ گال ئَ را بھارت استیں حکومت ئَ پٹڑی ئَ چہ جہل کتگ اے ھاترا پاکستان ئَ پہ کشمیر ئِ جیڑھ میاں اوستمانی وڑ ئَ زورگ باز ارزشت ایر کنگ انت ئُُ میاں اوستمانی راھشون پاکستان ئِ راستیں موقف گوشدار انت۔ پاکستان ئِ مزن وزیرلہتیں میان اوستمانی راھشُون ئُ اقوام متحدہئِ جنرل سیکرٹری انٹونیوگوئیٹرس ئِ گوما دونیمگی گند ئُُ نند کن انت۔ جنرل اسمبلی ئِ سیشن ئِ درگت ئَ اقوام متحدہ ئِ جنرل سیکرٹری انٹو گوئٹیرس ئَ میانمار ئَ روہنگیا مسلمان آنی سرا ظلم ئُُ زوراکی ئِ جاورھال ئِ سرا گپ ئُُ تران کتگ ئُُ میانمار ئِ حکومت ئَ چہ روہنگیا ئِ مسلمان آنی ھلاپ اُردو کارروائی مھتل کنگ ئِ لوٹ کتگ

متعلقہ مضامینمصنف کی طرف سے مزید