اسلام آباد ۔ 16 ستمبر (اے پی پی) سعودی عرب ئِ نائب وزیر دفاع محمد عبداللہ علائش ئَ ھپتگ ئَ نیول ہیڈ کوارٹرز اسلام آبادئِ تروتاب کتگ ئُُ پاک بحریہ ئِ سروک ایڈمرل محمد ذکاءاللہ ئِ گوما گند ئُُ نند کتگ۔ نیول ہیڈ کوارٹرز آھگ ئِ سرا چیف آف نیول سٹاف ایڈمرل ذکاءاللہ ئَ آہاں را وش اتک کرتگ۔دودی پچ ئُُ پوشاک مان کتگیں پاک نیوی ئِ دستہ ئَ سعودی نائب وزیر دفاع ئَ را گارڈ آف آنر پیش کتگ۔ اے درگت ئَ ایڈمرل ذکاءاللہ ئَ پرنسپل سٹاف افسران ئِ گوما پجار کنائنتگ۔پدا سعودی نائب وزیر دفاع ئَ چیف آف نیول سٹاف ئِ گوما آہانی کارگِس ئَ گند ئُُ نند کرتگ۔گپ ئُُ تران ئِ ساعت ئَ وت ما وتی کار آنی سرا ھیال ئُُ لیکہ کتگ۔ پاک بحریہ ئِ راھشون ئَ بحری قزاقی ئِ گر ئُُ دار ئِ ھاترا آپریشز،کولیشن میری ٹائم کمپیئن پلان ئَ پاکستانی نیوی ئِ شریداری ئِ ھوار ناشرکاری ئِ ھلاپ جنگ ئَ پاکستان ئِ جہد ئُُ کرد ئَ را ساڑ اتگ۔ سعودی نائب وزیر دفاع عبداللہ ئَ پاکستان نیوی ئِ کرد ئُُ دمگئَ امن ئُُ گہبودی ھاترا میری ٹائم سیکیورٹی ئِ کمک ئِ ستا کتگ۔
