اسلام آباد ۔ 16 ستمبر (اے پی پی) آووکیں 24کلاک آنی ساعت ئَ ملک ئِ گیشتریں دمگاں موسم گرم ئُ ھشک بہ بیت بلے مالاکنڈ،ہزارہ،پشاور، کوہاٹ ،میرپور خاص، راولپنڈی ڈویژن، بُرزی فاٹا ئُُ گلگت بلتستان ئَ لہتیں جاھاں ترندیں گواتاں ئُُ گرند ئُُ گروک ئَ گوں ھور ئِ گمان انت۔ گوستگیں 24کلاک آنی ساعت ئَ ملک ئِ گیشتریں دمگاں موسم گرم ئُُ نمبیگ بوتگ بلے میرپور خاص ڈویژن ئَ لہتیں جاھاں گرند ئُُ گروک ئَ گوں ھور بوتگ۔درستاں چہ گیش ھور مِٹھی ئَ01 ملی میٹر بوتگ۔ھپتگ ئَ ریکارڈ کتگیں گرم تریں دمگانی درجہ حرارت،تربت 43، شہید بینظیرآباد 42، نورپورتھل، لسبیلہ ئُُ دادو ئَ41 ڈگری سینٹی گریڈ ریکارڈ کنگ بوتگ۔
