اسلام آباد ۔ 16 ستمبر (اے پی پی) مزنوزیر شاہد خاقان عباسی 18ستمبر ئَ چہ بنگیج بیوکیں اقوام متحدہ ئِ جنرل اسمبلی ئِ سالینہ دیوان ئَ پاکستانی ڈلے سروکی کن انت۔ڈنی کارگِس ئِ ربالکار ئِ گوشگ ئِ ردا جنرل اسمبلی ئِ سالینہ سیشن ئِ باز ارزشت انت چیاکہ ایشی ئَ ملکانی راھشُون ئُُ حکومت مزنیں کچ ئَ شریدار بوھگ انت۔” پائیدار سیارے پر سب کے لئے امن اور مہذب زندگی کے لئے جدوجہد“گوزوکیں سال ئِ سیشن ئِ موضوع انت۔ربالکار ئِ گوشگ ئِ ردا سالینہ دیوان ئِ درگت ئَ مزن وزیر شاہد خاقان عباسی لہتیں میاں اوستمانی راھشُوناںئُُ تپاکیں راجانی گلے سیکریٹری جنرل ئِ گوما دونیمگی گند ئُُ نند کن انت۔مزن وزیر ڈنی سیادی ئِ ہمگرنچ کونسل ئِ گوما گوشتانک ئِ ابید امریکہ پاکستان بزنس کونسل ئُُ میاں اوستمانی رسانک درآں گوں ھم گپ ئُُ رپ کن انت۔تپاکیں راجانی گلے جنرل اسمبلی ئِ سالینہ دیوان ئِ درگت ئَ اسلامی تعاون تنظیم(او آئی سی)،جی۔77،ای سی او،سارک،دولت مشترکہ،ڈی۔8ئِ ھوار بازیں دمگی ئُُ سب۔ریجنل گلانی وزارتی تبک ئِ دیوان ھم برجم دارگ بنت۔
