اسلام آباد ۔ 16 ستمبر (اے پی پی)صدر مملکت ممنون حسین ئَ پاکستان کرکٹ ٹیمب ئِ نیمگا چہ آزاتی کپ ئِ کٹگ ئِ سرا دراھیں اُلس ئَ را مرادبات داتگ۔ھپتگ ئَ اُلسے نام ئَ وتی مرادباتی کلہو ئَ صدر مملکت ئَ آزاتی کپ ئَ ورلڈ الیون ئِ ھلاپ ئَ پُر شانیں سوبمندی ئِ سرا راجی کرکٹ ٹیمب ئَ را مراد باتی داتگ۔صدر مملکت ئَ گوشت کہ پاکستان کرکٹ بورڈ ئِ چیر دستی آزاتی کپ ئِ میاں اوستمانی کرکٹ ایونٹ ئِ برجمداری ئِ دلیریں پیسلہ ئَ چہ پاکستان ئِ تہ ئَ میاں اوستمانی کرکٹ ئِ بحالی ئِ راھ پچ بوتگ،ہما کہ مزنیں سوبمندی انت۔آہاں ورلڈ الیون ئِ ھم منت گپتگ انت ۔صدر مملکت ئَ گوشت کہ اے ایونٹ ئَ چہ اے پدر بوتگ کہ پاکستانی اُلس پر امن ئُُ کرکٹ ئِ لیب ئَ گوں مھر ئُ محبت داروکیں اُلس انت۔ واضح بہ بیت کہ پاکستان کرکٹ ٹیمب ئَ ورلڈ الیون ئَ چہ دو یک ئَ چہ کٹت اتگ۔
