اسلام آباد ۔ 16 ستمبر (اے پی پی) گوست مزن وزیر محمد نواز شریف ئِ نااہلیئِ سبب ئَ حالی بیوکیں نشست این اے120لاہور ئَ پژمو گچینکاری مروچی(یک شمبے) ئَ بیت۔3لکھ21ہزار786 ووٹر آنی ھاترا 220پولنگ سٹیشن اڈ داتگ انت۔ پولنگ سہب 8کلاک ئَ چہ داں بگر بیگاہ5بج ئَ تاں جاڑی بنت۔مسلم لیگ (ن) ئُُ پی ٹی آئی ئِ امیدوار آنی تہ ئَ سک مقابلہ ئِ گمان انت۔پولنگ سٹیشن ئِ توکی ئُُ ڈنی کنڈ ئَ پوج تعینات کنگ بیت۔ گچینکاری چیزآنی پھجارگ ئِ نگھوانی پوج ئِ ھوالہ انت۔39پولنگ سٹیشن آنی سرا چکاسی بنیاتانی سرا بائیو میٹرک مشین آن کارمرز کنگ بیت۔گچینکاری کمیشن ئِ مانیٹرنگ ٹیمب گچینکاری کار ئِ نگھوانی کن انت۔اے حلقہ ئَ نواز شریف ئِ لوگبانک کلثوم نواز ئِ ھوار 40ئَ چہ گیش امیت وار دیم پہ دیم انت۔پولنگ ئِ ھاترا سک دیمپانی گامگیج کنگ بوتگ انت ۔اے حلقہ مسلم لیگ (ن) ئِ سوگو ئِ حلقہ ئَ چہ یک انت۔
