اسلام آباد ۔ 16 ستمبر (اے پی پی) بنجاہی تہی وزیر پروفیسر احسن اقبال ئِ گوما پاکستان ئَ چینی سفیر سن وی ڈونگ ئَ گند ئُُ نند کت،گند ئُُ نند ئِ ساعت ئَ چین پاکستان اقتصادی راہداری ئُُ کانود ایر کنوکیں ادارگانی ھیلکاری ئِ ہمگرنچ کار آنی سرا چار ئُُ تپاس کنگ بوتگ۔اے ساعت ئَ دوئیں ملکانی نیام ئَ ھال آنی مٹ ئُُ سٹا ئُُ کانود ایر کنوکیں ادارگ آن نوکیں ھیلکاری دیئگ ئِ ھوالہ ئَ چہ وت ما وتی کمک ئِ سرا ھم ھیال ریچی بوتگ۔تہی وزارت ئِ نیمگا چہ جاری پریس ریلیز ئِ ردا گند ئُُ نند ئَ تہی وزیر احسن اقبال ئَ گوشت کہ پاکستان ئُُ چین ئِ نیام ئَ مثالی سیادی دونیمگی ھیر سگالی ئُُ زرکاری ئُُ دیمپانی کمک انت۔تہی وزیر احسن اقبال ئَ گوشت کہ صوبہ بلوچستان سی پیک ئِ ھوالہ ئَ گوں باز ارشت دار انت۔سیکیورٹی جاورھال آنی ردا ایف سی بلوچستان ئَ را گوریچانی ئُُ زرباری زون آنی تہ بہر کنگ بوتگ۔تہی وزیر ئَ اے جزم ئِ درشان کت کہ پاکستان ئُُ چین ھواری ئَ دژمن آنی سی پیک ئِ ھلاپ ئَ پندل آن بے سوب جوڑ کن انت۔آہاں گوشت کہ چین پاکستان اقتصادی راہداری دوئیں ملکانی کوہنیں سیادی ئِ نشان انت۔چینی سفیر ئَ سی پیک منصوبگانی سرا تعینات چینی شہریانی سیکورٹی گامگیج آنی سرا تسلہ ئِ درشان کتگ۔آہاں پاکستان ئِ سول آرمڈ فورس آنی کارکردگی گہتر جوڈ کنگ ھاترا ہر وڈیں کمک پجھارگ ئِ یقین داتگ۔
