اسلام آباد ۔ 15 ستمبر (اے پی پی) بلوچستان ءَ گوں سیادی داروکیں سینیٹر ڈاکٹر جہانزیب جمالدینی ءَ گوشت کہ ناشرکاری ءِ ھلاس کنگ واستہ ھمساھگ آں گوں یکوئی ءَ را گہتر کنگ لوٹ ایت، بلوچستان ءَ وانگ ءُُ زانگ ءِ نیمگ ءَ دلگوشی دیگ بہ بیت۔ آدینگ ءِ روچ ءَ ایوان ءِ بالا ءَ صدر ءِ مملکت ءِ پارلیمنٹ ءِ یکجائی دیوان ءَ گشتانک ءِ سر ءَ باست ءُُ واست کنان ءَ بھر زوران ءَ آئیءَ گوشت کہ اوگان جنگ ءَ گوں گر ءُُ چیل بوھگ ءِ سبب ءَ ما بازیں مشکلہ آنی دیمپان بوتگ آں، مارا ناشرکاری ءِ ھلاس کنگ ءِ واستہ ھمساھگ آنی گوما یکوئی گہتر کنگ لوٹ ایت، بلوچستان ءَ کسانیں ڈیم جوڑ کنگ ءِ ضلورت اِنت، اے جوڑ بہ بنت گڈا ایران ءَ چہ توان ءِ زورگ ءِ ضلورت پشت نہ کپ ایت۔ آئی ءَ گوشت کہ صوبگ ءَ وانگ ءُُ زانگ ءِ جاور سک ھراب اَنت، 18ھژدھمی مٹ ءُُ بدلی ءَ پد صوبگ ءَ وانگ ءِ زانگ ءِ سر ءَ دلگوشی نیست، بلوچستان ءَ سیل ءُُ سوادی پڑ ءَ را گہتر کنگ لوٹ ایت۔
