راولپنڈی۔14ستمبر(اے پی پی) پاکستان ئِ مزن تک ئِ فوجی ڈل کابل ئَ سے باسکی دیوانئَ ھوا ر بوتگ۔ پنچ شمبےءِ روچئَ پاک فوج ئِ ھال رسانکی پڑ (آئی ایس پی آر) ئِ نیمگئَ چہ جاری کتگیں یک بیان ئِ ردئَ پاکستان ، اوگانستان ءُ امریکہ داعش ئِ گرءُ داری سئے باسکی ءُ پاکستانی ڈل ئَ اے دیوانانی تہا ھوری کتگ، باسکاں ناشرکاری ئِ یکجائی ھترہ ئِ ھلاپ جنگ جاڑی دارگ ئِ جزم ئِ درشانی کتگ۔ گپءُ تران ئِ وھدئَ یک دومی ئِ سیکیورٹی پائدگ ءُ تکانسریئِ سرئَ ھیالءُ لیکہ ئِ درشانی کنگ بوتگ۔ سیئں باسکاں خطہءِ تہا داعش ئِ ھلاس کنگئِ جزم ئِ درشانی کتگ کہ یکے دومی ئِ گوما معلوم داریئِ بھر کنگ ، یک جائی کوشستءُ کمک ئِ گیشی ئِ وسیلگئَ حاصل کنگ بیت۔باسکاں انوگیں مزن تک ئِ گندءُ نندانی تہا کتگیں سوگندانی سرئَ پیش رفت ءُ ایکشن پلان ئِ سرئَ عمل درآمد ئِ سرءَ تپاک کتگ کہ ایشی ئِ کمک ئِ تہا گیشی ئَ چہ پاک اوگانستان سیمسر دوھیں نیمگئِ جاورھال ئِ سرئَ گہتری کیئت۔
