بلوچستان ئِ باندات صوبگ ئِ اُلس ئِ دست ئَ اِنت، آ وھد دور نہ اِنت وھد ئِ بلوچستان ملک ئِ امیر تریں صوبگ جوڑ بیت، بلوچستان ئَ 455ارب کلدار ئِ ھرچ ئُُ درچ ئَ سڑک آنی منصوبگ ئِ سر ئَ ھرچ بیت، ھمک ضلعی ہیڈ کوارٹر ئَ را گیس ئِ پُجاری کنگ بیت، بُنجاھی حکومت ئِ کمک ئَ صوبگ ئَ 21یونیورسٹی جوڑ کنگ بوھگ اِنت، سپریم کورٹ ئِ 28جولائی ئِ پیسلہ ئَ گوں تپاک نہ اِنت بلے ایشی ئِ شرپ ئَ کن آں
ڈیرہ بگٹی/اسلام آباد۔ 14 ستمبر (اے پی پی) مزن وزیرشاہد خاقان عباسی ئَ گوشت کہ بلوچستان ئِ آیوکیں باندات صوبگ ئِ اُلس ئِ دست ئَ اِنت، ووٹ دیگ ئِ راستیں پیسلہ چے اِنت ایشی ئِ برورد شمے دیم ئَ بنت، آ وھد دور ئُُ گستا نہ اِنت وھد ئِ بلوچستان ملک ئِ امیرل تریں صوبگ جوڑ بیت، بلوچستان ئَ 455ارب کلدار سڑک آنی منصوبگ آنی سر ئَ ھرچ بنت، ھمک ضلعی ہیڈ کوار ٹرز آناں گیس ئِ پُجاری کنگ بیت، بُنجاھی حکومت ئِ کمک ئَ صوبگ ئَ 21یونیوررسٹی جوڑ کنگ بوھگ ئَ اِنت، ناراضیں بلوچ برات گمراہیں پروپیگنڈا ئِ مٹ ئَ صوبگ ئُُ اُلس ئِ جوڑیشت ئِ دیمروئی ئَ بھر بہ زور اَنت، محمد نواز شریف ئِ دور ئَ توان ئِ پڑ ئَ راجدپتر نکشیں منصوبگ جنگ بوتگ ایشی ئِ برورد بلوچستان ئِ اُلس ئَ را مل اَنت، دُرستاں چہ گران بہائیں وسیلہ آپ اِنت ایشرا گوستگیں وھد ئُُ پاس ئَ ڈلگ چار کنگ بوتگ، آپ ئِ جیڈھ ئَ را چارگ ئِ ھاترا ملک ئَ جتا وزارت برجا کنگ بوتگ، سپریم کورٹ ئَ 28جولائی ئِ پیسلہ ئَ گوں تپاکی نیست بلے ایشی ئِ شرپ ئَ کن آں، ڈیرہ بگٹی آیوکیں گچین کاری ئَ مسلم لیگ (ن) ئِ گڑھ سہرا بیت، ڈیرہ بگٹی ئِ اُلس ئَ گون کول اِنت کہ آوانی جیڈھ آناں ترجی دیگ ئِ بنیات ئَ گیوار بنت۔ اے ھیالانی درشانی آئی ئَ پنچ شمبے ئِ روچ ئَ ڈیرہ بگڑی ئَ کچھی کینال منصوبگ ئِ بنگیج ئَ پد مچی ئَ گوں گشتانک دیان ئَ کت۔
