بیجنگ ۔ 09 ستمبر (اے پی پی) پاکستان ایئر فورس ءَ چین ءَ 27ستمبر ءَ جاڑی بوھوکیں پاک چین یکجائی ایکسر سائز آنی تہ ءَ جے ایف 17 تھنڈر جیٹ گراب ءُُ پیسر ءَ چہ ھال دیوکیں گراب ھم دیم داتگ پیپلز لیبریشن آرمی ائیر فورس ءِ جار چین شن جینکے ءَ ھال داتگ کہ جے 11 فائیٹرز، جے ایچ 7فائیٹرز بمبر، کے جے 200، اواکس گراب زمینی چینی اُرد ءُُ زمین ءَ چہ بُرز ءَ اُرش کنوکیں میزائیل ءُُ ریڈاس ٹروپس ھم اے ایکسر سائز آنی تہ ءَ بھر زورگ ءَ اَنت۔ چینی ائیر فورس ءِ جار چین شن جینکے ءَ گیش گوشتگ کہ ایکسرسائز آنی تہءَ چینی آپی بال کنوکیں ٹروپس آں ھم بھر زُرتگ۔ چین ءُُ پاکستان ءِ ائیر فورس ءَ یکجائی ایکسرسائز پنچ شمبے ءَ چہ بندات کتگ بوتگ اَنت۔ زانگ بہ بیت کہ پاکستانی ءُُ چینی ائیر فورس آں ’’شاہین‘‘ نام ءِ یکجائی ھیل کاری مارچ 2011ءَ بندات کتگ بوتگ۔
