ووہان۔ 23اگست(اے پی پی) چینی وسطی صوبہ ہو بے ای ئِ شہر ئَ پولیس ئَ بھاءُ سیم ئِ ھاترئَ آﺅرتگیں 92سیر ہیرون برآمد کتگ ءُ 6ہیرون بھاءُ سیم کنوک دزگیر کتگ۔ چارشمبے ئِ روچئَ چینی ھال درئَ شمال روبرکتی چینئِ دمگ ووہان ئِ پولیس ئِ جارچین ئِ ھوالگئَ ھال دیئگ بوتگ کہ پولیس ئَ چیریں ھال سربوتگ کہ ووہان ئَ بھاءُ سیم ئِ ھاترئَ ہیرون ئِ مزنیں کساسے آرگ بوھگئَ اِنت کہ ایشی ئِ سرئَ ھمگرنچیں مارکیٹ ءُ دمگ ئِ چیراندریں سرپانکی بندات کنگ بوتگ ءُ ہیرون بھاءُ سیم کنوکیں لیونامی ئَ را دزگیر کتگءُ آئی ئَ چہ ہیرون برآمد کتگ۔ پولیس ئَ باز دگہ چھاپہ آنی تہا 5دگہ مردم ھم دزگیر کتگ پولیس ئِ گشگئِ ردئَ برآمد کتگیں منشیات ئِ مُچ وزن 92سیر اِنت کہ ایشی ئِ تہا 6سیر میتھم فیٹامائین ھم ھوار اَنت۔
