پاکستان کشمیری راج ءِ بہادری، جزم ءُ قربانی ءَ را شگر ءُ منت وار انت، صدر آصف علی زرداری

اسلام آباد۔13جولائی (اے پی پی): صدر آصف علی زرداری ءَ گوشت کہ کشمیر شہید آنی روچ ءِ درگت ءَ من 22 مزنیں کشمیری شہید آناں یات دیان آں کہ آھاں زلم ءُ زوراکی ءِ ھلاپ ءَ وتی جان ندر کتگ ءُ آجوئی ءِ ھک ءِ واستہ کشمیر ءَ 13جولائی 1931 ءَ کشمیر ءِ ھاترا جھد کنگ ءَ اَنت۔ اے قربانیانی سرا چہ اے 22 شہیداں چہ زرتگ۔ صدر ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ کشمیر شہید آنی روچ ءِ درگت ءَ وتی کلوہ ءِ تہ ءَ گوشت کہ آھانی قربانی ءَ کشمیری راج ءِ دل آنی تہ ءَ ھما آجوئی ءِ شمع مرچی ھم روان اِنت۔ صدر ءِ مملکت ءَ گوشت کہ پاکستان کشمیری الس ءِ بہادری، جزم ءُ قربانی ءَ را شگر ءُ منت ءَ پیش کنت، ایشاں دہائیاں چہ ھندی ھاکمی ءِ ھلاپ ءَ مھکم اوشتاتگ ءُ وتی آجوئی ءِ واستہ وتی جہد ءُ کوشست ءَ برجاہ دارگ ءَ انت۔ آصف علی زرداری ءَ گوشت کہ بھارت ءِ ناجائزیں قبضہ ءَ مقبوضہ جموں ءُ کشمیر ءَ را یک فوجی کیمپے جوڑ کتگ کہ اودا غیر عدالت ءِ کشگ، زوراکی ءَ بیگواہ کنگ، ظلم ءُ زوراکی، آبادی ءِ تناسب ءَ بدل کنگ ءِ کوشست ءُ مسلمان آنی پجار ءِ مٹ کنگ ءِ منظم سازش برجاہ انت۔ صدر ءِ مملکت ءَ گوشت کہ مرچی ما اے شہید آناں ءُ اے دگہ توامیں کشمیری آناں سلام پیش کن ایں ایشاں آجوئی ءِ واستہ وتی سر ندر کتگ اَنت۔ صدر ءِ مملکت ءَ گوشت کہ من میاں اوستمانی براتی ءُ انسانی ھک آنی گل آناں گوں دزبندی کن آں کہ آ مقبوضہ کشمیر ءَ برجاھیں بھارتی ریاستی ناشرکاری ءُ انسانی ھک آنی سکیں پاگل ءِ سر ءَ زوت نوٹس بہ زور اَنت۔ آئی ءَ گوشت کہ پاکستان اقوام متحدہ ءِ سلامتی کونسل ءِ قرارداد آنی رد ءَ داں وھدیکہ کشمیری برات آناں وت واجئی ءِ ھک ءَ را رسگ ءَ پد سیاسی، اخلاقی ءُ سفارتی کمک ءَ برجاہ دار ایت۔